بٸرىڭعاي جيناقتاۋشى زەينەتاقى قورىنان بٸررەتٸك تٶلەم الۋ جولدارى جەڭٸلدەتٸلدٸ. بۇل تۋرالى «وتباسى بانكٸنٸڭ» باسقارما تٶرايىمى لەززات يبراگيموۆا مەلٸم ەتتٸ, دەپ حابارلايدى "ۇلت اقپارات".
«20 كٷننٸڭ ٸشٸندە, تٸپتٸ ودان ەرتەرەك www.enpf-otbasy.kz پورتالىندا سٸزدٸڭ تۇرعىن ٷي جاعدايىڭىزدى جاقسارتۋعا دەگەن ارمانىڭىزعا باستار جولدى جەڭٸلدەتە تٷسەتٸن قىزمەت ەنگٸزٸلەدٸ», - دەپ جازدى ول Facebook-پاراقشاسىندا.
مەسەلەن پەتەر ساتىپ الۋ نەمەسە زايمدى ٶتەۋگە ارنالعان قۇجاتتاردى جٷكتەگەنگە دەيٸن بٸررەتتٸك زەينەتاقى تٶلەمٸن العان سوڭ وعان تۋىسىڭىز بەرگەن قاراجاتتى قوسۋ مٷمكٸندٸگٸ بەرٸلەدٸ. بۇل, ەسٸرەسە بٸررەتتٸك زەينەتاقى تٶلەمٸن العاننان كەيٸن ٷلكەن سوماعا جىلجىمايتىن مٷلٸك ساتىپ الۋدى جوسپارلانعاندار ٷشٸن ىڭعايلى.
ياعني, قوسىمشا تٷيمەشٸك پايدا بولادى.
بٸرىڭعاي جيناقتاۋشى زەينەتاقى قورىنان سٸزدٸڭ ارناۋلى ەسەپشوتىڭىزعا اقشا تٷسكەن سوڭ بٸررەتتٸك زەينەتاقى تٶلەمٸن پايدالانۋ ماقساتىن ەندٸ ٶزگەرتۋگە نەمەسە تٷزەتۋگە بولادى.
ياعني, پايدالانۋ ماقساتىن ٶزگەرتۋ تٷيمەشەگٸ ەنگٸزٸلەدٸ.
سونىمەن قاتار زەينەتاقى تٶلەمٸ ارناۋلى ەسەپشوتقا تٷسٸپ قويعان بولسا, وندا سٸز ٶتٸنٸمٸڭٸزدٸ جويا الاسىز. دەمەك, قاراجاتىڭىز 45 تەۋلٸكتٸ كٷتپەستەن بٸرىڭعاي جيناقتاۋشى زەينەتاقى قورىنا قايتارىلادى.
ياعني, ٶتٸنٸمدٸ جويۋ نەمەسە بجزق-عا قايتارۋ تٷيمەشەگٸ ەنگٸزٸلەدٸ.
«بۇدان بٶلەك, ارناۋلى ەسەپشوتقا اقشا تٷسۋدٸڭ العاشقى ٷش كٷنٸندە كٶپشٸلٸك اقشانىڭ تٷسكەن, تٷسپەگەندٸگٸن قاراي الماي شاتاسىپ جاتتى. سوندىقتان بٷگٸننەن باستاپ كليەنتتەرگە اقشانىڭ ارناۋلى ەسەپشوتقا تٷسكەنٸ تۋرالى سٷيٸنشٸ جاڭالىق ەكەلەتٸن سمس جٸبەرٸلەدٸ.
سونداي-اق, وتباسى بانكٸندەگٸ زايمدى جارتىلاي مەرزٸمٸنەن بۇرىن ٶتەۋ بويىنشا قوسىمشا كەلٸسٸمگە قول قويۋ قىزمەتٸ جٷزەگە اسىرىلاتىن بولادى. بارلىق قۇجاتتى ينتەرنەت بانكينگتە قول قوياسىز», - دەدٸ لەززات يبراگيموۆا.
بۇعان دەيٸن حابارلاعانىمىزداي, بٷگٸنگە دەيٸن بٸرىڭعاي جيناقتاۋشى زەينەتاقى قورى تۇرعىن ٷي جاعدايلارىن جاقسارتۋ ٷشٸن قازاقستاندىقتاردىڭ ارنايى شوتتارىنا 112,3 ميلليارد تەڭگەدەن استام قارجى اۋداردى.
