تٷركٸستان وبلىسىنىڭ قۇتقارۋشىلارى بٸركٶلٸك تاۋ شاتقالىندا اداسقان 3 جاسٶسپٸرٸمدٸ قۇتقاردى, دەپ حابارلايدى "ۇلت اقپارات" قر تٶتەنشە جاعداي مينيسترلٸگٸنە سٸلتەمە جاساپ.
«2021 جىلى 17 ماۋسىمىندا ساعات 17.00 شاماسىندا 3 جاسٶسپٸرٸم تٷركٸستان وبلىسى تٶلە بي اۋدانىنىڭ ەكپٸندٸ اۋىلىنان 15 شاقىرىم جەردەگٸ «بٸركٶلٸك» تاۋ شاتقالىنا كٶتەرٸلگەن. الايدا قاراڭعى تٷسكەن سوڭ جاسٶسپٸرٸمدەر اداسىپ, اتا-انالارىنا حابار بەرەدٸ. اتا-انالار بالالارىنىڭ جوعالعانى تۋرالى «112» نٶمٸرٸنە حابارلادى. اداسقانداردىڭ بٸرٸ – 2003 جىلى تۋعان ازامات تاۋعا كٶتەرٸلگەندە قۇلاپ, سول اياعىن سىندىرىپ العان», - دەيدٸ تجم رەسمي ٶكٸلٸ تالعات ۋەلي.
قۇتقارۋشىلار دەرەۋ وقيعا ورنىنا بارىپ, جاراقات العان جاسٶسپٸرٸمگە العاشقى دەرٸگەرلٸك كٶمەك كٶرسەتتٸ.
ٷش جاسٶسپٸرٸمدٸ تاۋدان تٷسٸرٸپ, جەدەل-جەردەم بريگاداسىنىڭ قىزمەتكەرلەرٸنە تاپسىردى.
قۇتقارۋ جۇمىسىنا تٷركٸستان وبلىسى تج دەپارتامەنتٸنەن 11 قۇتقارۋشى مەن 3 دانا تەحنيكا, جەدەل-جەردەم بريگاداسىنان 3 قىزمەتكەر مەن 1 تەحنيكا جۇمىلدىرىلعان.
«تٶتەنشە جاعدايلار مينيسترلٸگٸ ەسكەرتەدٸ! تاۋعا سەرۋەنگە شىقساڭىز, بەيتانىس جەرمەن جٷرمەڭٸز, ٶز كٷشٸڭٸزدٸ باعالاڭىز. تاۋعا شىققاندا ىڭعايلى كيٸم كيٸڭٸز. ارنايى اياق كيٸم كيگەنٸڭٸز ابزال. تاۋلى ايماق قاۋٸپتٸ ەكەنٸن ەستەن شىعارماڭىز», - دەيدٸ تالعات ۋەلي.
