قر بعم بٸلٸم جەنە عىلىم سالاسىندا ساپانى قامتاماسىز ەتۋ كوميتەتٸ الماتى قالالىق دەپارتامەنتٸنٸڭ باسشىسى گٷلنەر ەرمەكباەۆا ونلاين-بريفينگ بارىسىندا 1-سىنىپقا باراتىن بالالار ەشقانداي تەست تاپسىرمايتىنىن جەتكٸزدٸ, دەپ حابارلايدى قازاقپارات.
«بالالارى بٸرٸنشٸ سىنىپقا باراتىن اتا-انالارعا ايتارىم, 1-سىنىپقا باراتىن بالالاردى تەستٸلەۋدەن ٶتكٸزۋگە بٸردە-بٸر مەكتەپتٸڭ قۇقىعى جوق. ولار بەرٸن قابىلداۋعا مٸندەتتٸ. بيىل ٶتٸنٸم ەلەكتروندى تٷردە eGov ارقىلى بەرٸلەدٸ. ەگەر مۇنداي جاعدايلار بولسا, بٸزگە حابارلاسىڭىز. بٸزدە سايت جەنە Call-ورتالىق بار. مەكتەپ تابالدىرىعىن اتتاعالى تۇرعان بالانى تەستەن ٶتكٸزۋگە ەشكٸمنٸڭ قۇقىعى جوق», - دەدٸ گٷلنەر ەرمەكباەۆا.
سونىمەن قاتار, ول بارلىق بالالاردى 1 ماۋسىم - حالىقارالىق بالالاردى قورعاۋ كٷنٸمەن قۇتتىقتادى.
ەسكە سالايىق, بيىل 1-شٸ سىنىپقا قابىلداۋ, مەكتەپتەن مەكتەپكە, سىنىپتان سىنىپقا اۋىستىرۋعا قۇجاتتار egov.kz پورتالى ارقىلى قابىلدانادى. قابىلداۋ مەرزٸمٸ - 1 ماۋسىم – 30 تامىز ارالىعى.
بۇل رەتتە, 1-سىنىپقا باراتىن وقۋشىنىڭ اتا-اناسىنان (زاڭدى ٶكٸلدەرٸنەن) 4 قۇجات قانا سۇرالادى:
- ٶتٸنٸش (ەركٸن تٷردە);
- بالانىڭ تۋۋ تۋرالى كۋەلٸگٸنٸڭ كٶشٸرمەسٸ;
- بالا دەنساۋلىعى تۋرالى انىقتاما (مەديتسينالىق پاسپورت);
- 3x4 كٶلەمٸندەگٸ ەكٸ فوتو تاپسىرىلادى.
