QR BǴM Bilim jáne ǵylym salasynda sapany qamtamasyz etý komiteti Almaty qalalyq departamentiniń basshysy Gúlnár Ermekbaeva onlain-brifing barysynda 1-synypqa baratyn balalar eshqandai test tapsyrmaitynyn jetkizdi, dep habarlaidy QazAqparat.
«Balalary birinshi synypqa baratyn ata-analarǵa aitarym, 1-synypqa baratyn balalardy testileýden ótkizýge birde-bir mekteptiń quqyǵy joq. Olar bárin qabyldaýǵa mindetti. Biyl ótinim elektrondy túrde eGov arqyly beriledi. Eger mundai jaǵdailar bolsa, bizge habarlasyńyz. Bizde sait jáne Call-ortalyq bar. Mektep tabaldyryǵyn attaǵaly turǵan balany testen ótkizýge eshkimniń quqyǵy joq», - dedi Gúlnár Ermekbaeva.
Sonymen qatar, ol barlyq balalardy 1 maýsym - Halyqaralyq balalardy qorǵaý kúnimen quttyqtady.
Eske salaiyq, biyl 1-shi synypqa qabyldaý, mektepten mektepke, synyptan synypqa aýystyrýǵa qujattar egov.kz portaly arqyly qabyldanady. Qabyldaý merzimi - 1 maýsym – 30 tamyz aralyǵy.
Bul rette, 1-synypqa baratyn oqýshynyń ata-anasynan (zańdy ókilderinen) 4 qujat qana suralady:
- ótinish (erkin túrde);
- balanyń týý týraly kýáliginiń kóshirmesi;
- bala densaýlyǵy týraly anyqtama (meditsinalyq pasport);
- 3x4 kólemindegi eki foto tapsyrylady.
