«قازاقستاندىق ۆاكتسيناعا عىلىمي باعا كلينيكالىق زەرتتەۋلەردٸڭ ٷشٸنشٸ فازاسى اياقتالعاننان كەيٸن بەرٸلەدٸ. ورتالىق كوممۋنيكاتسييالار قىزمەتٸندە ٶتكەن بريفينگٸدە بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكاريا وسىلاي ايتتى, دەپ حابارلايدى قازاقپارات.
«قازٸرگٸ ۋاقىتتا تەك بٸزدٸڭ ەل ەمەس, بٷكٸل دٷنيە جٷزٸندەگٸ ۆاكتسينالار وسى ستراتەگييامەن جٷرٸپ كەلە جاتىر. ەندٸ ٷشٸنشٸ فازانىڭ اياقتالۋىن كٷتٸپ, نەگٸزگٸ نەتيجەنٸ كٷتۋٸمٸز كەرەك. قازٸرگٸ ۋاقىتتا ارالىق كٶرسەتكٸشتەر جامان ەمەس», - دەپ اتاپ ٶتتٸ كٷنسۇلۋ زاكاريا.
ونىڭ ايتۋىنشا, وتاندىق ٶنٸمگە, مۇعالٸمدەر مەن دەرٸگەرلەرگە قولداۋ بٸلدٸرۋٸمٸز كەرەك.
«2020 جىلدىڭ 20 ناۋرىزىنان باستاپ بٸز ٷش اۋىسىمدىق جۇمىسپەن توقتاۋسىز, دەمالىسسىز جۇمىس ٸستەپ جاتىرمىز. باق ٶكٸلدەرٸ مەن ەلەۋمەتتٸك جەلٸ قولدانۋشىلارى قازاقستاندىق عالىمدار تۋرالى نە جازباي جاتىر? سٸزدەردەن بٸر عانا ٶتٸنٸش – بٸزگە تىم بولماعاندا مورالدىق تۇرعىدا قولداۋ كٶرسەتٸڭٸزدەر. بۇل ۆاكتسينا – قازاقستاندىق عالىمدار شىعارىپ جاتقان وتاندىق ٶنٸم. بۇل جۇمىستى جۇمىلا اتقارۋىمىز كەرەك. ٷكٸمەت كٶمەكتەسٸپ, قانشاما قارجى بٶلدٸ. بٸز ايانباي جۇمىس ٸستەپ جاتىرمىز. ۆاكتسينانى سىناپ كٶرۋ ٷشٸن مايمىلدار قاجەت بولدى. ونى شەتەلدەن قالاي الدىرعانىمىز تۋرالى تٸپتٸ كٸتاپ تا جازۋعا بولادى. بۇل جەردە قر ۇلتتىق قاۋٸپسٸزدٸك كوميتەتٸ دە, باسقا دا قۇزٸرەتتٸ ورگاندار كٶمەكتەستٸ», - دەيدٸ ول.
