اقش-تىڭ وگايو شتاتىنداعى حەمدەن اۋىلىندا پوليتسييا بٸر ٷيدەن جاسى 18 اي مەن 18 جاس ارالىعىنداعى 16 بالانى اۋىر جاعدايدا تاۋىپ, قوعامدى دٷر سٸلكٸندٸرگەن وقيعاعا قاتىستى تەرگەۋدٸ جالعاستىرىپ جاتىر, دەپ حابارلايدى ult.kz.
وقيعا 30 ماۋسىم كٷنٸ باسقا قىلمىستىق ٸس بويىنشا جٷرگٸزٸلگەن تٸنتۋ كەزٸندە انىقتالعان. قۇقىق قورعاۋ ورگاندارى ٷيگە كٸرگەندە بالالاردىڭ ادام تٶزگٸسٸز جاعدايدا ٶمٸر سٷرگەنٸن كٶرگەن. رەسمي مەلٸمەت بويىنشا, ولار بٸرنەشە جىل بويى ٶتە تار بٶلمەدە وقشاۋلانىپ ٶمٸر سٷرگەن. ٷيدٸڭ ٸشٸ قوقىسقا تولىپ, انتيسانيتارييالىق جاعدايدا بولعان. كەيبٸر بالالاردىڭ سٶيلەۋ قابٸلەتٸ تولىق دامىماعان, ال ٷلكەندەرٸنٸڭ بٸرٸ ٶز ەسٸمٸن دە جازا الماعان.
بالالاردىڭ جاسى 18 ايدان 18 جاسقا دەيٸن. ولاردىڭ ەشقايسىسى مەكتەپكە بارماعان, مەديتسينالىق باقىلاۋدا بولماعان. جەتٸ بالا اۋرۋحاناعا جەتكٸزٸلٸپ, ەكەۋٸ تٸكۇشاقپەن مامانداندىرىلعان ورتالىقتارعا تاسىمالداندى. كەمٸندە بٸر بالانىڭ جاعدايى اۋىر ەكەنٸ حابارلاندى. قازٸر بارلىق بالا مەملەكەت قامقورلىعىنا الىنعان.
تەرگەۋ بارىسىندا بالالاردىڭ اتا-اناسى دەپ تانىلعان 36 جاستاعى ەر ادام مەن 33 جاستاعى ەيەل, سونداي-اق اتاسى مەن ەجەسٸ ۇستالدى. ولاردىڭ ەرقايسىسىنا بالالاردىڭ ٶمٸرٸ مەن دەنساۋلىعىنا قاۋٸپ تٶندٸردٸ دەگەن ايىپپەن 16 باپ بويىنشا قىلمىستىق ٸس قوزعالدى. كٷدٸكتٸلەر تاعىلعان ايىپتاردى مويىنداماعان. تەرگەۋشٸلەر بۇل ٸستٸڭ ادام ساۋداسىنا قاتىسى جوق ەكەنٸن, بۇل – بٸر وتباسى ٸشٸندەگٸ قاتىگەزدٸك پەن ۇزاق جىلدارعا سوزىلعان وقشاۋلاۋ دەرەگٸ ەكەنٸن مەلٸمدەدٸ.
ەلەۋمەتتٸك جەلٸلەردە تاراعان مەلٸمەتتەرگە سەيكەس, 33 جاستاعى ەيەل 15 جاسىندا تۇرمىسقا شىققان, ال العاشقى جٷكتٸلٸگٸ 13 جاسىندا بولعان دەگەن اقپارات ايتىلۋدا. الايدا بۇل دەرەكتەردٸ قۇقىق قورعاۋ ورگاندارى رەسمي تٷردە راستاعان جوق. سوندىقتان بۇل مەلٸمەتتەر ەزٸرگە تەك تۋىستارىنىڭ سٶزدەرٸ مەن ەلەۋمەتتٸك جەلٸلەردەگٸ جازبالارعا نەگٸزدەلگەن.
قازٸرگٸ ۋاقىتتا تەرگەۋ جالعاسىپ جاتىر. ماماندار بالالاردىڭ ناقتى قانشا ۋاقىت بويى وسىنداي جاعدايدا ٶمٸر سٷرگەنٸن, ولاردىڭ تۋۋى مەن تەربيەسٸنە قاتىستى بارلىق مەن-جايدى انىقتاپ جاتىر. بۇل وقيعا اقش-تا بالالاردىڭ قۇقىقتارىن قورعاۋ جٷيەسٸنە قاتىستى قىزۋ تالقىلاۋعا سەبەپ بولدى.
