كەشە ەلٸمٸزدە 3 بالا كٶپقاباتتى تۇرعىن ٷيدٸڭ تەرەزەسٸنەن قۇلاپ كەتكەن, دەپ حابارلايدى "ۇلت اقپارات" تجك باسپاسٶز قىزمەتٸنە سٸلتەمە جاساپ.
«2 قىركٷيەكتە ەلٸمٸزدە بالالاردىڭ تەرەزەدەن قۇلاۋىنا قاتىستى 3 وقىس وقيعا تٸركەلدٸ. مەسەلەن, نۇر-سۇلتان قالاسىندا ج.نەجٸمەدەنوۆ كٶشەسٸندەگٸ توعىز قاباتتى تۇرعىن ٷيدە بەسٸنشٸ قاباتتاعى پەتەردٸڭ تەرەزەسٸنەن ەرەسەكتەردٸڭ قاراۋىنسىز قالعان 4 جاسار بالا قۇلاپ كەتتٸ. ول اۋرۋحانادا كٶز جۇمدى.
اقتاۋدا بەس قاباتتى تۇرعىن ٷيدە ەرەسەكتەردٸڭ قاراۋىنسىز قالعان 3 جاسار بالا بەسٸنشٸ قاباتتاعى پەتەردٸڭ تەرەزەسٸنەن قۇلادى. بالا تٷرلٸ جاراقاتتارمەن اۋرۋحاناعا جاتقىزىلدى.
پاۆلودار وبلىسىنىڭ قالقامان اۋىلىندا تٶرت قاباتتى ٷيدٸڭ تٶرتٸنشٸ قاباتىنداعى تەرەزەسٸنەن 4 جاستاعى بالا قۇلاپ كەتتٸ. ول دا تٷرلٸ جاراقاتتارمەن اۋرۋحاناعا جاتقىزىلدى», دەلٸنگەن حابارلامادا.
قۇتقارۋشىلاردىڭ ايتۋىنشا, وقىس جاعدايعا اتا-اناسىنىڭ بالانى قاراۋسىز قالدىرۋ نەمەسە قاسىنداعى ەرەسەكتەردٸڭ سالعىرت قاراۋى سەبەپشٸ بولادى. سونداي-اق كٶبٸنەسە بۇل كٷندٸزگٸ ۋاقىتتا بولادى.
تٶتەنشە جاعدايلار كوميتەتٸ وسىنداي جازاتايىم وقيعالاردىڭ الدىن الۋ ٷشٸن ازاماتتاردى كٸشكەنە بالانى جالعىز قالدىرماۋعا; قۇلاپ كەتۋدەن قورعاۋعا ارنالماعان ماسا تورىنا (موسكيت) سەنبەۋگە, تەرەزە اشقاندا بالانى نازاردان تىس قالدىرماۋعا شاقىرادى. سونىمەن قاتار, بالانىڭ تەرەزە الدىنا شىعىپ كەتپەۋٸ ٷشٸن جيھاز بەن تٶسەكتٸ تەرەزەدەن الىسىراق قويۋ كەرەك.
