جاڭا وقۋ جىلىمەن قاتار قايتا باستالعان حيدجاب مەسەلەسٸنە قاتىستى بٸلٸم جەنە عىلىم مينيسترٸ بٷگٸن ٶز پٸكٸرٸن ايتتى. اتا-انالاردى ەكٸگە جارىپ, قوعامدا قىزۋ تالقىعا تٷسكەن تاقىرىپقا ەرلان ساعاديەۆ نٷكتە قويار دەپ ٷمٸتتەنگەن ەدٸك. مەجٸلٸستەن شىعا سالا جۋرناليستەرگە سۇحبات بەرۋدەن قاشقان مينيستر “تالاپ بەرٸنە ورتاق” دەپ قۇتىلدى. سونداي-اق, قىزىلوردا وبلىسىنداعى مەكتەپتەردٸڭ بٸرٸندە ۋلانعان وقۋشىلارعا بايلانىستى دا جٷردٸم-باردىم جاۋاپ بەردٸ. بۇل تۋرالى 31 ارنا حابارلادى.
«مەنٸڭ ورامالىما بايلانىستى, ساباققا ديرەكتورىم كٸرگٸزبەي جاتىر. مەن باسقالار سيياقتى مەكتەپكە وقىعىم كەلەدٸ», – دەيدٸ 8-سىنىپ وقۋشىسى اقەركە امانجان.
ٶتكەن اپتادا ارىزىن ايتقان اقەركەنٸڭ مەسەلەسٸ قوعامنىڭ تالقىسىنا تٷسكەن ەدٸ. ازاماتتاردىڭ بٸرٸ مەكتەپتٸكٸ دۇرىس دەسە, ەكٸنشٸلەرٸ وقۋشى قىزدى قولداپ پٸكٸر تالاستىرعان بولاتىن. مەكتەپتە حيدجاب كييۋ تاقىرىبىنا قاتىستى قۇزىرەتتٸ ورگان ٶكٸلدەرٸ تالاي رەت مەلٸمدەمە جاساسا دا, جاڭا وقۋ جىلىندا بۇل مەسەلە قايتالانىپ وتىرادى.
كەلە سالىپ بٸرنەشە رەفورمانى قولعا العان بٸلٸم جەنە عىلىم مينيسترٸ تٶرەلٸگٸن ايتادى-اۋ دەگەن ەدٸك. الايدا, مەجٸلٸس وتىرىسىنان شىعا سالا باسقا جيىنعا اسىققان ەرلان ساعاديەۆ, ەكٸۇشتى جاۋاپ قايتاردى.
«مەكتەپ ديرەكتورىنىڭ مەسەلەسٸ. سوسىن اتا-انالار كوميتەتٸ جينالىپ, شەشۋٸ تيٸس», – دەدٸ مينيستر.
مەكتەپ ديرەكتورىندا مۇنداي مەسەلەگە بايلانىستى شەشٸم قابىلدايتىنداي قۇزىرەت قايدان كەلسٸن.
«بٸز مەكتەپكە كٸرگٸزبەي وتىرعان جوقپىز, تەك قانا مەكتەپتٸڭ تابالدىرىعىنا دەيٸن ورامالىڭدى تاعىپ كەل, سودان كەيٸن ٸشكە كٸرەردە ورامالىڭدى سالعىزىپ, ٸشتەگٸ بالالارمەن بٸردەي بولىپ وتىرسىن دەگەن تالاپ قويعانبىز. ونى اتا-انا دۇرىس تٷسٸنبەي وتىر. بٸز نۇسقاۋلىققا بايلانىستى ٶز جۇمىسىمىزدى اتقارىپ وتىرمىز, ٸشكٸ تەرتٸبٸمٸزدٸ ۇستانىپ وتىرمىز», – دەيدٸ №21 مەكتەپ ديرەكتورىنىڭ تەربيە ٸسٸ جٶنٸندەگٸ ورىنباسارى بالقاش جاقسيەۆا.
داۋدىڭ شەشٸمٸ اينالىپ كەلٸپ بٸلٸم جەنە عىلىم مينيسترٸنە بەرٸبٸر تٸرەلدٸ. مەجٸلٸس عيماراتىن اينالا قاشىپ قۇتىلماسىن تٷسٸنسە كەرەك, ساعاديەۆ مىرزا ناقتى ٶز كەسٸمٸن ايتىپ قۇتىلدى.
«بەلگٸلەنگەن فورماسى بار. سول بەلگٸلەنگەن فورمامەن بالالار جٷرۋگە تيٸس. مەكتەپكە بارۋعا تيٸس», – دەيدٸ قر بٸلٸم جەنە عىلىم مينيسترٸ ەرلان ساعاديەۆ.
ال قىزىلورداداعى مەكتەپتە وقۋشىلاردىڭ ۋلانۋىنا بايلانىستى قۇزىرەتتٸ ورگانداردىڭ تەكسەرۋٸ ەلٸ اياقتالماپتى. ايتا كەتەرلٸگٸ, بٷگٸن اۋرۋحاناعا جاتقىزىلعان 6 بالانىڭ 4-ٸ ەمدەلٸپ شىعىپتى. قازاقستاندا 7 جارىم مىڭ مەكتەپ بار دەگەن بٸلٸم مينيسترٸ, ەر وقۋ وشاعىنداعى قاۋٸپسٸزدٸك مەسەلەسٸنە ديرەكتورلار جاۋاپتى دەدٸ.
