قر بٸلٸم جەنە عىلىم مينيسترلٸگٸنە جوعارى وقۋ ورىندارى ليتسەنزييالارىن قايتارىپ الۋ جەنە جابۋ قۇقىعى بەرٸلۋٸ قاجەت. بۇل تۋرالى بٷگٸن اتالعان ۆەدوموستۆونىڭ باسشىسى اسحات ايماعامبەتوۆ ايتتى, دەپ حابارلايدى قازاقپارات.
«بٷگٸندە شەشٸمدٸ سوت قابىلدايدى. ال بٸز مەملەكەتتٸك ورگان رەتٸندە ليتسەنزييا بەرگەننەن كەيٸن ٶكٸلەتتٸ ورگان رەتٸندە اتالعان ليتسەنزييانى قايتارىپ الۋ, ايىرۋ قۇقىعىمىز بولۋى قاجەت. بۇل نورما تاياۋ ارادا بەرٸلەدٸ دەپ ٷمٸتتەنەمٸن», - دەدٸ مينيستر مەجٸلٸستٸڭ جالپى وتىرىسىنان كەيٸن باق ٶكٸلدەرٸنە بەرگەن سۇحباتىندا.
ونىڭ اتاپ ٶتۋٸنشە, مۇنداي نورما قازٸرگٸ ۋاقىتتا مەجٸلٸستە تالقىلانىپ جاتقان زاڭ جوباسىندا كٶرٸنٸس تاپقان.
«مەجٸلٸستە ەكٸمشٸلٸك كودەكسكە ٶزگەرٸستەر تالقىلانىپ جاتىر. بۇل نورما قابىلدانادى دەپ ٷمٸتتەنەمٸن. اتالعان نورمانىڭ قابىلدانۋى بٸلٸم جەنە عىلىم مينيسترلٸگٸنە جوو-لار بٸلٸكتٸلٸك تالابىنا ساي بولماعان جاعدايدا جەدەل ەرٸ تيٸمدٸ ەرەكەت ەتۋٸنە مٷمكٸندٸك بەرەدٸ», - دەدٸ ول.
اسحات ايماعامبەتوۆتٸڭ دەرەگٸنشە, بٷگٸندە قازاقستاندا جوعارى وقۋ ورىندارىنىڭ سانى ٶتە كٶپ.
«بٸزدە جوعارى وقۋ ورىندارى ٶتە كٶپ. ەگەر ولار تالاپقا ساي بولماسا, وندا بٸز ولاردى جابامىز. قازٸرگٸ ۋاقىتتا ستۋدەنتتەردٸڭ باسقا جوعارى وقۋ ورىندارىنا اۋىسۋىن اۋىرپالىقسىز جٷرگٸزۋ مٷمكٸندٸكتەرٸن قاراستىرىپ جاتىرمىز. سەبەبٸ مۇنان ستۋدەنتتەر زارداپ شەكپەۋٸ قاجەت», - دەدٸ مينيستر.
