بٷگٸن ۇلتتىق كەڭەس مٷشەلەرٸ بٸلٸم جەنە عىلىم مينيسترٸ اسحات ايماعانبەتوۆپەن پرەزيدەنت تاپسىرمالارىن جٷزەگە اسىرۋ مەسەلەسٸن تالقىلادى. بۇل تۋرالى قر پرەزيدەنتٸنٸڭ كٶمەكشٸسٸ ەرلان قارين جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
«بٸلٸم جەنە عىلىم مينيسترٸ اسحات ايماعانبەتوۆ ۇلتتىق كەڭەس مٷشەلەرٸمەن ونلاين فورماتتا تالقىلاۋى ٶتتٸ. كٷن تەرتٸبٸندەگٸ نەگٸزگٸ مەسەلە مامىر ايىندا ٶتكەن ۇلتتىق كەڭەستٸڭ 3-ٸنشٸ وتىرىسىندا پرەزيدەنتتٸڭ بەرگەن تاپسىرمالارى مەن كەڭەس مٷشەلەرٸ تاراپىنان ايتىلعان ۇسىنىستاردىڭ جٷزەگە اسىرىلۋى بولدى. اتالعان 3-ٸ وتىرىستىڭ نەتيجەسٸ بويىنشا, 30 پۋنكتٸدەن تۇراتىن جوسپار قابىلدانعان بولاتىن. مٸنە, وسى جوسپاردىڭ ورىندالۋى بويىنشا, ەربٸر ۇسىنىس قالاي قارالىپ, قانداي شەشٸم قابىلدانىپ, قالاي جٷزەگە اسىپ جاتقانى بويىنشا مينيستر ارنايى اقپارات بەردٸ. ياعني, بۇل كەزدەسۋ مەملەكەتتٸك ورگاندار مەن قوعام بەلسەندٸلەرٸ اراسىندا كەرٸ بايلانىس ورناتۋدىڭ جاقسى ٷلگٸسٸ بولدى. ەدەتتە مەملەكەتتٸك ورگاندار قوعام بەلسەندٸلەرمەن كەزدەسۋ ٶتكٸزٸپ, سۇراقتارى مەن ۇسىنىستارىن تىڭداسا دا, كٶپ جاعدايدا سول ايتىلعان ۇسىنىستار قالاي قابىلدانىپ, قالاي جٷزەگە اسىپ جاتقانى بويىنشا اقپارات بەرمەيدٸ. سوندىقتان, بٷگٸنگٸ كەزدەسۋ ۇلتتىق كەڭەس مٷشەلەرٸنە بٸلٸم جەنە عىلىم مينيسترلٸگٸنەن ەكٸ اي بۇرىن ٶتكەن جيىن بارىسىندا كٶتەرگەن ٶز ۇسىنىستارىنا قاتىستى ناقتى جاۋاپ الۋعا مٷمكٸندٸك بەردٸ», - دەدٸ ە. قارين.
سونىمەن قاتار, جيىندا ۇلتتىق كەڭەس مٷشەلەرٸ قانات نۇروۆ, گٷلميرا يلەۋوۆا, اسىلبەك قوجاحمەتوۆ, ايگٷل ورىنبەك, مۇحتار تايجان, ەرلان سايروۆ مينيسترگە جۇرتشىلىقتى الاڭداتىپ جٷرگەن كٶپتەگەن ٶزەكتٸ دە ٶتكٸر مەسەلەلەرگە قاتىستى سۇراقتارىن قويىپ, ٶز پٸكٸرلەرٸن جەتكٸزگەن.
«جيىن اياعىندا, بەلگٸلٸ بٸر ۋاقىت ٶتكەننەن كەيٸن تالقىلاۋدى تاعى ۇيىمداستىرۋ بويىنشا شەشٸم قابىلداندى. جالپى, ۇلتتىق كەڭەس مٷشەلەرٸنٸڭ ورتالىق مەملەكەتتٸك بيلٸك ورگاندارىنىڭ باسشىلارىمەن كەزدەسۋ پراكتيكاسى جالعاساتىن بولادى. ٷكٸمەتپەن مينيسترلەردٸڭ ۇلتتىق كەڭەس مٷشەلەرٸمەن وسىنداي تالقىلاۋلاردى تۇراقتى ٶتكٸزۋ بويىنشا جوسپار قابىلداندى. كەلەسٸ اپتادا ۇلتتىق كەڭەس مٷشەلەرٸنٸڭ ەكولوگييا مينيسترٸ ماعزۇم مىرزاعاليەۆپەن ونلاين فورماتتاعى تالقىلاۋى ٶتەدٸ», - دەپ تولىقتىردى قر پرەزيدەنتٸنٸڭ كٶمەكشٸسٸ.
