بٸلٸم جەنە عىلىم مينيسترٸ اسحات ايماعامبەتوۆ پەداگوگيكالىق جوعارى وقۋ ورىندارىن بٸرٸكتٸرۋگە قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
مينيستردٸڭ ايتۋىنشا, جوعارى وقۋ ورىندارىن بٸرٸكتٸرۋدٸڭ نەگٸزگٸ ماقساتى – بٸلٸم بەرۋ ساپاسىن كٶتەرۋ. سونىڭ نەتيجەسٸن التى جىل بۇرىن بٸرٸكتٸرٸلگەن ۋنيۆەرسيتەتتەردەن دە بايقاۋعا بولادى.
"مەسەلەن, 2013 جىلى قازاقستاندا ەكٸ ۋنيۆەرسيتەت بٸرٸكتٸرٸلگەن بولاتىن. سونىڭ ٸشٸندە اقتٶبەدەگٸ پەداگوگيكالىق ينستيتۋت جەنە سەمەيدەگٸ پەداگوگيكالىق ينستيتۋت بولدى. بٸز وسى شەشٸمنٸڭ تيٸمدٸلٸگٸن زەرتتەپ قارادىق. اقتٶبەدەگٸ ۋنيۆەرسيتەتتە عىلىمي اتاعى بار مامانداردىڭ سانى 45 پروتسەنتتەن 55 پروتسەنتكە كٶتەرٸلدٸ. ورتاشا جالاقىسى دا جوعارىلادى", - دەدٸ ايماعامبەتوۆ سەناتتىڭ پلەنارلىق وتىرىسىندا.
ونىڭ سٶزٸنە قاراعاندا, قوستاناي مەملەكەتتٸك ۋنيۆەرسيتەتٸنٸڭ قوستاناي پەداگوگيكالىق ۋنيۆەرسيتەتٸمەن, ال تاراز مەملەكەتتٸك ۋنيۆەرسيتەتٸنٸڭ تاراز پەداگوگيكالىق ۋنيۆەرسيتەتٸمەن بٸرٸكتٸرٸلۋٸ دە سونداي نەتيجە بەرەدٸ. عىلىمي اتاعى بار قىزمەتكەرلەردٸڭ جالاقىسى ورتاشا ەسەپپەن 40 پروتسەنتكە كٶتەرٸلەدٸ دەگەن بولجام بار. بۇدان بٶلەك, جاستار كٶبٸرەك بارسىن دەگەن ماقساتتا ارنايى كۆوتا بٶلٸنٸپ وتىر.
رەسمي مەلٸمەتكە سەيكەس, قازٸرگٸ كەزدە 85 ۋنيۆەرسيتەتتە پەداگوگ ماماندار دايارلانىپ جاتىر. بيىلدىڭ ٶزٸندە 44 مىڭ مامان وقۋدى بٸتٸردٸ. ال بٸلٸم سالاسىنا جىل سايىن 10-11 مىڭ مۇعالٸم قاجەت. قازٸرگٸ كەزدە سانعا ەمەس, ساپاعا باسىمدىق بەرٸلٸپ وتىر. سەبەبٸ مەكتەپتٸ ٷزدٸك بٸتٸرگەن جاستار پەداگوگ ماماندىعىنا كٶپ بارا بەرمەيدٸ. ال تٷسەتٸندەردٸڭ باسىم بٶلٸگٸ – ۇبت-دان تٶمەن بالل العاندار.
"بٷگٸندە 85 ۋنيۆەرسيتەت پەن 75 كوللەدج پەداگوگ مامانداردى دايارلايدى. بٸراق ولاردىڭ ساپاسى سىن كٶتەرمەيدٸ. سوندىقتان بٸز كەسٸبي تالاپتاردى كٷشەيتٸپ جاتىرمىز", - دەپ اتاپ كٶرسەتتٸ ايماعامبەتوۆ.
ايتا كەتەيٸك, بۇعان دەيٸن سەناتور ەدٸل مامىتبەكوۆ مينيسترگە دەپۋتاتتىق ساۋال جولداپ, قوستاناي مەملەكەتتٸك ۋنيۆەرسيتەتٸنٸڭ قوستاناي پەداگوگيكالىق ۋنيۆەرسيتەتٸمەن, سونداي-اق, تاراز مەملەكەتتٸك ۋنيۆەرسيتەتٸنٸڭ تاراز پەداگوگيكالىق ۋنيۆەرسيتەتٸمەن بٸرٸكتٸرٸلۋٸنە قاتىستى نارازىلىق بٸلدٸرگەن بولاتىن.
"قازاقستان تەۋەلسٸزدٸك العاندا ەربٸر وبلىس ورتالىعىندا 18 پەداگوگيكالىق ينستيتۋت بولعان. ال 1994-1998 جىلدارى ولاردىڭ بارلىعىن باسقا جوعارى وقۋ ورىندارىمەن بٸرٸكتٸرٸپ, ۋنيۆەرسيتەتكە اينالدىرىپ جٸبەردٸ. سونىڭ سالدارىنان "مۇعالٸم" دەگەن قىزمەتتٸڭ مەرتەبەسٸ تٶمەندەپ, مەكتەپكە دەيٸنگٸ, ورتا جەنە ارنايى ورتا بٸلٸم سالاسىندا مامان تاپاشىلىعى تۋىندادى", - دەدٸ مامىتبەكوۆ.
وسى ساۋالعا بٸرنەشە سەناتور دا قوسىلدى.
