ٷكٸمەت ساعاتىندا قر بٸلٸم جەنە عىلىم مينيسترٸ اسحات ايماعامبەتوۆ قازاقستاندىق بٸلٸم حالىقارالىق رەيتينگتەردە نەشٸنشٸ ورىندا ەكەندٸگٸن ايتتى, دەپ حابارلايدى قازاقپارات.
بٸلٸم جەنە عىلىم مينيسترٸنٸڭ ايتۋىنشا, قازاقستان 2017 جىلدان باستاپ بٸلٸم بەرۋ جەنە يننوۆاتسييالىق ساياسات جٶنٸندەگٸ ەىدۇ كوميتەتتەرٸنٸڭ مٷشەسٸ. IMD جاھاندىق بەسەكەگە قابٸلەتتٸلٸك رەيتينگٸندە «بٸلٸم» سۋبفاكتورى بويىنشا ەلەمنٸڭ 64 ەلٸنٸڭ اراسىندا قازاقستان 26-شى ورىندا. وسى رەيتينگتٸڭ 20 كٶرسەتكٸشٸنٸڭ بەستٸگٸندە قازاقستان بٸرٸنشٸ ورىندا تۇر.
2019 جىلعى دٷنيەجٷزٸلٸك ەكونوميكالىق فورۋمنىڭ جاھاندىق بەسەكەگە قابٸلەتتٸلٸك يندەكسٸندە (دەف جبي) «داعدىلار» فاكتورى بويىنشا قازاقستان 140 ەلدٸڭ ٸشٸندە 57-ورىنعا يە بولدى. سونداي-اق, 2019 جىلى «WorldSkills International» حالىقارالىق بايقاۋىندا بٸزدٸڭ قۇراما 14 ورىندى يەلەندٸ.
- ەگەر, PIRLS زەرتتەۋٸندە مەتٸندٸ تٷسٸنۋ جەنە وقۋ ساۋاتتىلىعى بويىنشا بٸزدٸڭ وقۋشىلار 27 ورىندا بولسا, TIMSS زەرتتەۋٸندەگٸ ماتەماتيكا جەنە جاراتىلىستانۋدا اكادەمييالىق بٸلٸم بويىنشا مىقتىلاردىڭ بٸرٸ جەنە كٶشباسشى ەلدەردٸڭ وندىعىنا كٸرەدٸ. PISA-2018 نەتيجەلەرٸ وسى جىلدىڭ جەلتوقسانىندا بەلگٸلٸ بولادى, - دەدٸ اسحات ايماعامبەتوۆ.
PIRLS, TIMSS, PISA — ەر تٷرلٸ بٸلٸم سالالارى مەن تٷرلٸ جاس ەرەكشەلٸكتەرٸ ٷشٸن ساۋاتتىلىق كٶرسەتكٸشتەرٸ بولىپ تابىلادى. ەگەر, PIRLS باستاۋىش سىنىپ وقۋشىلارىنىڭ ساباق ٷستٸندە وقىعان ماتەريالدى پايدالانا بٸلۋ قابٸلەتٸن كٶرسەتسە, TIMSS جاراتىلىستانۋ-عىلىمي جەنە ماتەماتيكالىق بٸلٸمنٸڭ ساپاسىن ٶلشەيدٸ. PISA جاسٶسپٸرٸمدەردٸڭ داعدىلارىن باعالايدى.
2018 جىلى قازاقستان TALIS حالىقارالىق زەرتتەۋٸنە العاش رەت قاتىستى. بۇل مەكتەپتەردەگٸ مۇعالٸمدەردٸ, ديرەكتورلاردى جەنە بٸلٸم بەرۋ ورتاسىن زەرتتەۋدٸڭ ەڭ اۋقىمدى تٷرٸ. زەرتتەۋ نەتيجەلەرٸن ەىدۇ ەلدەرٸنٸڭ نەتيجەلەرٸمەن سالىستىرۋعا بولادى, كەيبٸر پوزيتسييالاردا ارتىقشىلىقتارى بار. مىسالى, قازاقستاندىق مۇعالٸمدەر ەىدۇ ەلدەرٸنٸڭ كٶپتەگەن مۇعالٸمدەرٸنەن 3 جىلعا جاس, ورتاشا جاسى - 41 جاس. ەىدۇ ەلدەرٸندە - 44. قازاقستان ەڭ جاس ديرەكتورلارى بار توپ-7 ەلدٸڭ قاتارىنا كٸرەدٸ. مۇعالٸمدەردٸڭ 86%–ى كەسٸبي دامۋ ولاردىڭ وقىتۋشىلىق پراكتيكاسىنا وڭ ەسەرٸن تيگٸزگەنٸن ايتتى (ەىدۇ-82%).
