فوتو: Kazinform
سىبايلاس جەمقورلىققا قارسى قىزمەت تەمٸرجول جولاۋشىلار تاسىمالىن جاقسارتۋ بويىنشا ۇسىنىستار ەنگٸزدٸ, دەپ حابارلايدى اگەنتتٸكتٸڭ باسپاسٶز قىزمەتٸ.
بۇل تۋرالى سىبايلاس جەمقورلىققا قارسى قىزمەتتٸڭ باستاماسىمەن كٶلٸك مينيسترلٸگٸندە تەمٸرجول جولاۋشىلار تاسىمالىنىڭ پروبلەمالىق مەسەلەلەرٸ بويىنشا ٶتكەن مەجٸلٸستە ايتىلدى.
جولاۋشىلار تاسىمالىن سۋبسيدييالاۋ جٷيەسٸندە جٸبەرٸلگەن ەلەۋلٸ زاڭبۇزۋشىلىقتار تالقىلاندى.
مەملەكەتتٸك قولداۋ ەسەبٸنەن ايتارلىقتاي تابىستارعا قاراماستان, كٶرسەتٸلەتٸن قىزمەتتەردٸڭ تيٸستٸ ساپاسىن قامتاماسىز ەتپەيتٸن جەكەلەگەن جەكە تاسىمالداۋشىلاردىڭ مەسەلەلەرٸنە ەرەكشە نازار اۋدارىلدى. بۇل جولاۋشىلار ۆاگوندارىنىڭ سانيتارلىق جەنە تەحنيكالىق جاعدايىنا قاتىستى شاعىمدارىنا ەكەلەدٸ.
سونىمەن قاتار, بيلەت تاپشىلىعى جەنە ازاماتتارعا قولايسىزدىق تۋدىراتىن پويىزداردىڭ تۇراقتى كەشٸگۋٸ مەسەلەلەرٸ تۋرالى ايتىلدى.
مەجٸلٸس قورىتىندىسى بويىنشا اگەنتتٸك سۋبسيدييالاردى ەسەپتەۋ ەدٸستەمەسٸن قايتا قاراۋدى, سۋبسيدييالاۋ جٷيەسٸن تسيفرلاندىرۋ, تيٸمدٸ مونيتورينگ پەن باقىلاۋدى قامتاماسىز ەتۋ (پوەزداردى تەكسەرۋدٸ اۋديو-بەينەتٸركەۋ, قىزمەتتەر ساپاسى مەن ايىپپۇل سانكتسييالارى جٷيەسٸن باعالاۋ ٶلشەمشارتتارىن بەلگٸلەۋ), تاسىمالداۋشى كومپانييالاردا اۋديت جٷرگٸزۋ, سونداي-اق جاڭا ۆاگونداردىڭ ٷلەسٸن ۇلعايتۋ مەسەلەلەرٸن پىسىقتاۋدى ۇسىندى.
«تەمٸرجول سالاسىنداعى سىبايلاس جەمقورلىق تەۋەكەلدەرٸن جويۋ مونيتورينگٸ جالعاسۋدا جەنە اگەنتتٸكتٸڭ ەرەكشە باقىلاۋىندا»,-دەلٸنگەن حابارلامادا.
ٸس-شاراعا اگەنتتٸكتٸڭ, كٶلٸك مينيسترلٸگٸنٸڭ, تەمٸرجول جەنە سۋ كٶلٸگٸ, سانيتارييالىق-ەپيدەميولوگييالىق باقىلاۋ كوميتەتتەرٸنٸڭ, «قازاقستان تەمٸر جولى» ۇلتتىق كومپانيياسى» اق جەنە «ەلەۋمەتتٸك ماڭىزى بار قاتىناستار بويىنشا تج كٶلٸگٸمەن تاسىمالداۋشىلار قاۋىمداستىعىنىڭ» ٶكٸلدەرٸ قاتىستى.
وسىعان دەيٸن انتيكور جەمقورلىققا قارسى ٸس-قيمىل جٶنٸندەگٸ حالىقارالىق ستاندارتتاردى ەنگٸزۋدٸ جالعاستىرىپ جاتقانى تۋرالى حابارلاعان ەدٸك.
