Foto: Kazinform
Sybailas jemqorlyqqa qarsy qyzmet temirjol jolaýshylar tasymalyn jaqsartý boiynsha usynystar engizdi, dep habarlaidy agenttiktiń baspasóz qyzmeti.
Bul týraly sybailas jemqorlyqqa qarsy qyzmettiń bastamasymen kólik ministrliginde temirjol jolaýshylar tasymalynyń problemalyq máseleleri boiynsha ótken májiliste aityldy.
Jolaýshylar tasymalyn sýbsidiialaý júiesinde jiberilgen eleýli zańbuzýshylyqtar talqylandy.
Memlekettik qoldaý esebinen aitarlyqtai tabystarǵa qaramastan, kórsetiletin qyzmetterdiń tiisti sapasyn qamtamasyz etpeitin jekelegen jeke tasymaldaýshylardyń máselelerine erekshe nazar aýdaryldy. Bul jolaýshylar vagondarynyń sanitarlyq jáne tehnikalyq jaǵdaiyna qatysty shaǵymdaryna ákeledi.
Sonymen qatar, bilet tapshylyǵy jáne azamattarǵa qolaisyzdyq týdyratyn poiyzdardyń turaqty keshigýi máseleleri týraly aityldy.
Májilis qorytyndysy boiynsha Agenttik sýbsidiialardy esepteý ádistemesin qaita qaraýdy, sýbsidiialaý júiesin tsifrlandyrý, tiimdi monitoring pen baqylaýdy qamtamasyz etý (poezdardy tekserýdi aýdio-beinetirkeý, qyzmetter sapasy men aiyppul sanktsiialary júiesin baǵalaý ólshemsharttaryn belgileý), tasymaldaýshy kompaniialarda aýdit júrgizý, sondai-aq jańa vagondardyń úlesin ulǵaitý máselelerin pysyqtaýdy usyndy.
«Temirjol salasyndaǵy sybailas jemqorlyq táýekelderin joiý monitoringi jalǵasýda jáne Agenttiktiń erekshe baqylaýynda»,-delingen habarlamada.
Is-sharaǵa Agenttiktiń, Kólik ministrliginiń, Temirjol jáne sý kóligi, Sanitariialyq-epidemiologiialyq baqylaý komitetteriniń, «Qazaqstan temir joly» ulttyq kompaniiasy» AQ jáne «Áleýmettik mańyzy bar qatynastar boiynsha TJ kóligimen tasymaldaýshylar qaýymdastyǵynyń» ókilderi qatysty.
Osyǵan deiin Antikor jemqorlyqqa qarsy is-qimyl jónindegi halyqaralyq standarttardy engizýdi jalǵastyryp jatqany týraly habarlaǵan edik.
