بەيجٸڭدەگٸ قىسقى وليمپيادا ويىندارىندا تاۋ شاڭعىسىنان سلالوم بويىنشا مەدالدار ساراپقا سالىندى, دەپ حابارلايدى قازاقپارات.
اتالعان سپورت تٷرٸنەن سىنعا تٷسكەن قازاقستاندىق شاڭعىشى زاحار كۋچين بٸرٸنشٸ مٷمكٸندٸگٸندە جارىس قورىتىندىسى بويىنشا مەرە سىزىعىن 1:03,68 كٶرسەتكٸشٸمەن 43-شٸ بولىپ كەستٸ. ول العاشقى ٸرٸكتەۋ سىنىندا بٸرٸنشٸ ورىنعا يە بولعان اۆسترييالىق يوحاننەس شترولتستان 9.76 مينۋتقا كەشٸگٸپ كەلدٸ.
ەكٸنشٸ مٷمكٸندٸگٸندە كۋچين مەرە سىزىعىن 2:02,66 كٶرسەتكٸشٸمەن 36-شى بولىپ كەسٸپ ٶتتٸ. بۇل زاحار كۋچيننٸڭ بەيجٸڭ وليمپياداسىنداعى سوڭعى جارىسى. وسىلايشا جەرلەسٸمٸز تٶرت جىلدىق دودانى جٷلدەسٸز اياقتادى.
تاۋ شاڭعىسىنان سلالوم بويىنشا جارىستىڭ جەڭٸمپازدارى مەن جٷلدەگەرلەرٸ:
1- ورىن - كلەمەنت نوەل (فرانتسييا) – 1:44,09
2- ورىن - يوحاننەس شترولتس (اۆسترييا) – 1:44,70
3- ورىن - سەباستيان فوسس سۋلەۆوگ (نورۆەگييا) – 1:44,79
