قىتايدىڭ «سيچان» عارىش ايلاعىنان «بەيدوۋ-3» ٷشٸنشٸ بۋىنداعى ناۆيگاتسييالىق سپۋتنيگٸن ۇشىرۋ تەحنيكالىق سەبەپتەرمەن كەيٸنگە قالدىرىلدى, دەپ حابارلايدى «قازاقپارات».
سپۋتنيكتٸ جەرماڭى وربيتاسىنا شىعارۋى تيٸس بولعان «ۇلى ساپار-3ب» زىمىران-تاسىعىشىن ستارت الدىندا سىناقتان ٶتكٸزۋ كەزٸندە تەحنيكالىق پروبلەمالار انىقتالدى. ۇشىرۋ ميسسيياسى كەيٸنگە قالدىرىلدى.
«بەيدوۋ» ناۆيگاتسييالىق جٷيەسٸنٸڭ سوڭعى جەرسەرٸگٸ ۇشىرىلاتىن كٷننەن كەرٸ ەسەپ باستالعانىن قىتايدىڭ سپۋتنيكتٸك ناۆيگاتسييا جٷيەلەرٸ ٸسٸ جٶنٸندەگٸ كەڭسەدەن ٶتكەن جەكسەنبٸ كٷنٸ مەلٸم ەتكەن بولاتىن.
سپۋتنيكتٸ ۇشىرۋ ۋاقىتى سەيسەنبٸ - 16 ماۋسىم, بەيجٸڭ ۋاقىتىمەن ساعات 10:11-دەن 10:50-گە دەيٸن بەلگٸلەنگەن ەدٸ.
ەسكە سالايىق, قىتايدىڭ «بەيدوۋ» ناۆيگاتسييا جٷيەسٸ ٷش كەزەڭدە جٷزەگە اسىرىلدى. 2000 جىلى قىتاي اۋماعىن قامتيتىن «بەيدوۋ-1» جٷيەسٸنٸڭ بٸر بٶلٸگٸ قۇراستىرىلدى. 2012 جىلى ازييا-تىنىق مۇحيتى ايماعىن قامتيتىن «بەيدوۋ-2», 2020 جىلى جاھاندىق ناۆيگاتسييالىق توپتى قامتيتىن «بەيدوۋ-3» قولعا الىندى. «بەيدوۋ-3» جٷيەسٸندە 30 جەرسەرٸك بار, ونىڭ 29-ى بٷگٸنگە دەيٸن جەر اينالاسىنا وربيتاعا شىعارىلدى.
