Qytaidyń «Sichan» ǵarysh ailaǵynan «Beidoý-3» úshinshi býyndaǵy navigatsiialyq spýtnigin ushyrý tehnikalyq sebeptermen keiinge qaldyryldy, dep habarlaidy «QazAqparat».
Spýtnikti jermańy orbitasyna shyǵarýy tiis bolǵan «Uly sapar-3B» zymyran-tasyǵyshyn start aldynda synaqtan ótkizý kezinde tehnikalyq problemalar anyqtaldy. Ushyrý missiiasy keiinge qaldyryldy.
«Beidoý» navigatsiialyq júiesiniń sońǵy jerserigi ushyrylatyn kúnnen keri esep bastalǵanyn Qytaidyń spýtniktik navigatsiia júieleri isi jónindegi keńseden ótken jeksenbi kúni málim etken bolatyn.
Spýtnikti ushyrý ýaqyty seisenbi - 16 maýsym, Beijiń ýaqytymen saǵat 10:11-den 10:50-ge deiin belgilengen edi.
Eske salaiyq, Qytaidyń «Beidoý» navigatsiia júiesi úsh kezeńde júzege asyryldy. 2000 jyly Qytai aýmaǵyn qamtityn «Beidoý-1» júiesiniń bir bóligi qurastyryldy. 2012 jyly Aziia-Tynyq muhity aimaǵyn qamtityn «Beidoý-2», 2020 jyly jahandyq navigatsiialyq topty qamtityn «Beidoý-3» qolǵa alyndy. «Beidoý-3» júiesinde 30 jerserik bar, onyń 29-y búginge deiin Jer ainalasyna orbitaǵa shyǵaryldy.
