فوتو: اقوردا
پرەزيدەنت جينالعان قاۋىمدى مەديتسينا قىزمەتكەرٸ كٷنٸمەن قۇتتىقتاپ, وسى مەرەكەگە وراي دەرٸگەرلەرمەن اقوردادا العاش رەت كەزدەسٸپ وتىرعانىن ەرٸ بۇل جيىننىڭ مەن-ماعىناسى ەرەكشە ەكەنٸن اتاپ ٶتتٸ, دەپ حابارلايدى Ult.kz.
پرەزيدەنت بارشا مەديتسينا ماماندارىنا زور ريزاشىلىعىن بٸلدٸرٸپ, ولاردى ەڭ قادٸرلٸ ماماندىق يەلەرٸ دەپ اتادى.
"مەديتسينا قىزمەتكەرلەرٸ – ۇلت ساۋلىعىنىڭ ساقشىلارى, ەڭ قادٸرلٸ ماماندىق يەلەرٸ. ەسٸرەسە, جاھاندىق ٸندەت, ياعني, كوۆيد كەزٸندە بٷكٸل ەل دەرٸگەرلەردٸڭ ادال قىزمەتٸنە كۋە بولدى. كٷردەلٸ كەزەڭدە مەديتسينا ماماندارى مىڭداعان ادامدى قۇتقارىپ قالدى. بٸز ابزال جانداردىڭ تاباندى ەڭبەگٸن باعالايمىز. دەرٸگەرلەر وتا كەزٸندە, اۋرۋحانا پالاتاسىندا كٷن سايىن ەرلٸك جاسايدى دەسەك, ارتىق بولمايدى. جەدەل جەردەم كٶلٸگٸندە ادام ٶمٸرٸنە اراشا تٷسەتٸن سەتتەر بولادى. سوندىقتان سٸزدەر, قۇرمەتتٸ مەديتسينا قىزمەتكەرلەرٸ, بەيبٸت كٷننٸڭ باتىرلارى دەگەن اتقا لايىقسىزدار. مەن بارشا مەديتسينا ماماندارىنا زور ريزاشىلىعىمدى بٸلدٸرەمٸن, – دەدٸ مەملەكەت باسشىسى.
قاسىم-جومارت توقاەۆ قازاق دەرٸگەرلەرٸ قاي كەزدە بولسىن, ەل مٷددەسٸن بەرٸنەن بيٸك قويا بٸلگەنٸن, ۇلت قايراتكەرلەرٸ حالەل دوسمۇحامەدوۆ پەن سانجار اسفەنديياروۆتىڭ بەلگٸلٸ دەرٸگەر بولعانىن, ولار حالقىمىزدىڭ ازاتتىعى ٷشٸن دە, ساۋلىعى ٷشٸن دە ايانباي كٷرەسكەنٸن اتاپ ٶتتٸ.
"بٷگٸندە ەلٸمٸزدٸڭ دەنساۋلىق ساقتاۋ سالاسىندا 380 مىڭعا جۋىق ادام جۇمىس ٸستەيدٸ. ەر ماماننىڭ ەڭبەگٸ وراسان زور. ۇلت ساۋلىعىن ساقتاۋعا بٷكٸل ٶمٸرٸن ارناعان تۇتاس ەۋلەتتەر بار. الماتىداعى دجۋۆاشەۆتەر ەۋلەتٸنەن 13 ادام مەديتسينا سالاسىن تاڭداعان. ولاردىڭ جالپى ەڭبەك ٶتٸلٸ – 375 جىل. ال اتىراۋ وبلىسىنداعى شاناەۆتار ەۋلەتٸنەن 16 دەرٸگەر شىققان. مۇنداي ەڭبەك ديناستييالارىنىڭ عيبراتتى جولى – كٶپكە ٷلگٸ-ٶنەگە. قازٸر ۇلتتىق مەديتسينا سالاسى قارقىندى دامىپ كەلە جاتىر. جەتٸستٸكتەرٸمٸز از ەمەس. ەلٸمٸزدە ورتاشا ٶمٸر سٷرۋ ۇزاقتىعى 75,4 جاسقا جەتتٸ. انا مەن بالا ٶلٸمٸ شامامەن 12 پايىزعا ازايدى. بەس جىلدا 800-گە جۋىق دەنساۋلىق ساقتاۋ نىسانى, ياعني, كٶپتەگەن ەمحانا مەن اۋرۋحانا سالىندى. بۇل جۇمىس توقتامايدى, مەملەكەت الداعى ۋاقىتتا دا ينفراقۇرىلىمدى دامىتا بەرەدٸ. ۇلت ساۋلىعىن جاقسارتۋ العاشقى مەديتسينالىق كٶمەكتەن باستالادى. ەلٸمٸزدە اۋىلدىق جەردەگٸ مەديتسينا جٷيەسٸن جاڭعىرتۋعا ارنالعان ۇلتتىق جوبا جٷزەگە اسىرىلىپ جاتىر. بٷگٸندە 469 عيمارات بوي كٶتەردٸ. جىل سوڭىنا دەيٸن تاعى 186 نىسان سالىنادى. اۋداندىق اۋرۋحانالار زامانعا ساي قۇرالدارمەن جابدىقتالىپ جاتىر", – دەدٸ پرەزيدەنت.
