سولتٷستٸك قازاقستان وبلىسى بەسكٶل اۋىلىنىڭ تۇرعىندارى كراننان اققان سۋدى ٸشٸپ ۋلانىپ جاتىر. سانيتارلىق دەرٸگەرلەر العان سۋ سىناماسىنان ونىڭ ميكروبقا تولى ەكەنٸ انىقتالدى, دەپ حابارلايدى "ۇلت اقپارات".
بٷگٸن سقو ٶڭٸرلٸك كوممۋنيكاتسييالار قىزمەتٸندە ماماندار بەسكٶل اۋىلىندا تۇرعىنداردىڭ جاپپاي نەدەن ۋلانىپ جاتقانىن ايتىپ بەردٸ.
قىزىلجار اۋداندىق سانيتارييالىق-ەپيدەميولوگييالىق باقىلاۋ باسقارماسىنا اۋداندىق اۋرۋحانادان 105 جەدەل حابارلاما تٷسكەن. دەرٸگەرلەر ەمدەۋ مەكەمەسٸنە بەسكٶل اۋىلى تۇرعىندارىنىڭ قۇسىپ, ىستىعى كٶتەرٸلٸپ, ٸشٸ ٶتٸپ (ديارەيا) كەلٸپ جاتقانىن ايتقان. مەديتسينا قىزمەتكەرلەرٸ سىرقاتتارعا «ەنتەروۆيرۋستى ينفەكتسييا» دياگنوزىن قويدى.
«قازٸرگٸ ۋاقىتتا سانيتارييالىق-ەپيدەميولوگييالىق قىزمەت ەپيدەميياعا قارسى جەنە الدىن الۋ ٸس-شارالارىن جٷرگٸزٸپ جاتىر. اۋىرعانداردىڭ ٷيٸنەن جەنە ەسٸل ٶزەنٸ قۇياتىن كٶلدەن سۋدىڭ سىناماسى الىنىپ, سانيتارييا-حيمييالىق, باكتەريولوگييالىق جەنە ۆيرۋسولوگييالىق كٶرسەتكٸشتەرگە تەكسەرٸلدٸ.
نەتيجەسٸندە ٷيلەردەن الىنعان 6 سىناما باكتەريولوگييالىق كٶرسەتكٸشتەر بويىنشا وڭ نەتيجە كٶرسەتتٸ. ياعني اۋىز سۋ لاستانعان. قوسىمشا ساراپتاما تاعايىندالدى», - دەيدٸ قىزىلجار اۋدانىنىڭ باس مەملەكەتتٸك سانيتار دەرٸگەرٸ جانگەلدٸ يبراەۆ.
3 ماۋسىمداعى مەلٸمەت بويىنشا, قازٸر ەمدەۋ مەكەمەلەرٸنە 18 ادام جاتقىزىلعان. ونىڭ بٸرەۋٸ عانا – ەرەسەك. جاعدايلارى قالىپتى. ەم-دوم قابىلداپ جاتىر.
«جاعداي دۇرىستالعانعا دەيٸن كراننان سۋ ٸشپەۋگە كەڭەس بەرەمٸز. اس-سۋعا تەك قانا قايناتىپ قولدانۋعا بولادى. ٸشۋگە بٶتەلكەدەگٸ تازا سۋدى پايدالانۋ كەرەك. سونداي-اق ەزٸرگە اشىق سۋ قويمالارىندا سۋعا شومىلماۋ قاجەتتٸگٸن ەسكەرتەمٸز», - دەيدٸ جانگەلدٸ يبراەۆ.
ەسكە سالا كەتسەك, بۇعان دەيٸن بەسكٶل اۋىلىنىڭ 100-دەن استام تۇرعىنى بەلگٸسٸز ينفەكتسييادان اۋىرىپ, دەرٸگەرلەردٸڭ كٶمەگٸنە جٷگٸنگەن ەدٸ.
