Soltústik Qazaqstan oblysy Beskól aýylynyń turǵyndary krannan aqqan sýdy iship ýlanyp jatyr. Sanitarlyq dárigerler alǵan sý synamasynan onyń mikrobqa toly ekeni anyqtaldy, dep habarlaidy "Ult aqparat".
Búgin SQO óńirlik kommýnikatsiialar qyzmetinde mamandar Beskól aýylynda turǵyndardyń jappai neden ýlanyp jatqanyn aityp berdi.
Qyzyljar aýdandyq sanitariialyq-epidemiologiialyq baqylaý basqarmasyna aýdandyq aýrýhanadan 105 jedel habarlama túsken. Dárigerler emdeý mekemesine Beskól aýyly turǵyndarynyń qusyp, ystyǵy kóterilip, ishi ótip (diareia) kelip jatqanyn aitqan. Meditsina qyzmetkerleri syrqattarǵa «enterovirýsty infektsiia» diagnozyn qoidy.
«Qazirgi ýaqytta sanitariialyq-epidemiologiialyq qyzmet epidemiiaǵa qarsy jáne aldyn alý is-sharalaryn júrgizip jatyr. Aýyrǵandardyń úiinen jáne Esil ózeni quiatyn kólden sýdyń synamasy alynyp, sanitariia-himiialyq, bakteriologiialyq jáne virýsologiialyq kórsetkishterge tekserildi.
Nátijesinde úilerden alynǵan 6 synama bakteriologiialyq kórsetkishter boiynsha oń nátije kórsetti. Iaǵni aýyz sý lastanǵan. Qosymsha saraptama taǵaiyndaldy», - deidi Qyzyljar aýdanynyń bas memlekettik sanitar dárigeri Jangeldi Ibraev.
3 maýsymdaǵy málimet boiynsha, qazir emdeý mekemelerine 18 adam jatqyzylǵan. Onyń bireýi ǵana – eresek. Jaǵdailary qalypty. Em-dom qabyldap jatyr.
«Jaǵdai durystalǵanǵa deiin krannan sý ishpeýge keńes beremiz. As-sýǵa tek qana qainatyp qoldanýǵa bolady. Ishýge bótelkedegi taza sýdy paidalaný kerek. Sondai-aq ázirge ashyq sý qoimalarynda sýǵa shomylmaý qajettigin eskertemiz», - deidi Jangeldi Ibraev.
Eske sala ketsek, buǵan deiin Beskól aýylynyń 100-den astam turǵyny belgisiz infektsiiadan aýyryp, dárigerlerdiń kómegine júgingen edi.
