مەملەكەت باسشىسىنىڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا پرەزيدەنتتٸڭ مەرەكەدەن كەيٸن كەلەتٸن دەمالىس كٷندەرٸ مەملەكەتتٸك قىزمەتشٸلەردٸڭ جۇمىسقا شىعۋى تۋرالى تۆيتٸنە تٷسٸندٸرمە جارييالادى. "ۇلت اقپارات" مەتٸننٸڭ تولىق نۇسقاسىن وقىرمان نازارىنا ۇسىنادى.
***
پرەزيدەنتتٸڭ مەرەكەدەن كەيٸن كەلەتٸن دەمالىس كٷندەرٸ مەملەكەتتٸك قىزمەتشٸلەردٸڭ جۇمىسقا شىعۋى تۋرالى تۆيتٸنە تٷسٸندٸرمە
مەملەكەتتٸك قىزمەتشٸلەردٸڭ دەمالىس جەنە مەيرام كٷندەرٸندەگٸ جۇمىسى جٶنٸندە پرەزيدەنت ق.توقاەۆتىڭ كەشەگٸ جازعان جارييالانىمىنا بايلانىستى مەنٸڭ اتىما كٶپتەگەن ٶتٸنٸش كەلٸپ تٷسٸپ جاتىر.
بٸرنەشە كٷنگە سوزىلاتىن مەرەكە مەن ودان كەيٸن كەلەتٸن دەمالىستار كەزٸندەگٸ ورتالىق جەنە جەرگٸلٸكتٸ اتقارۋشى ورگانداردىڭ ٸس-ەرەكەتسٸزدٸگٸ مەملەكەت باسشىسىنىڭ وسى جازباسىنا سەبەپ بولدى.
بٷگٸندە ەلٸمٸز كٶرشٸلەس مەملەكەتتەردەگٸ كوروناۆيرۋس ٸندەتٸنٸڭ تارالۋ قاۋپٸمەن, تابيعي جەنە تەحنوگەندٸ سيپاتتاعى تٶتەنشە جاعدايلارمەن (قاردىڭ قالىڭ بولۋى, سۋ تاسقىنى) جەنە باسقا دا قاتەرلەرمەن بەتپە-بەت كەلٸپ وتىرعانىن بٸلەسٸزدەر. مۇنىڭ بەرٸ بارلىق مەملەكەتتٸك قۇرىلىمداردىڭ شۇعىل ەرٸ جٷيەلٸ جۇمىس ٸستەۋٸن تالاپ ەتەدٸ.
سوندىقتان پرەزيدەنت مەملەكەتتٸك قىزمەتشٸلەردٸڭ مەرەكەلەردەن كەيٸن كەلەتٸن كٷنٸ (دٷيسەنبٸ) جۇمىسقا شىعۋىن ورىندى سانايدى. بۇل جەردە پرەزيدەنت ەكٸمشٸلٸگٸنٸڭ, ٷكٸمەتتٸڭ, مينيسترلٸكتەردٸڭ, مەملەكەت باسشىسىنا تٸكەلەي باعىنىشتى ۆەدومستۆولاردىڭ, وبلىستار مەن رەسپۋبليكالىق ماڭىزى بار قالالاردىڭ ەكٸمدٸكتەرٸنٸڭ قىزمەتكەرلەرٸ تۋرالى سٶز بولىپ وتىر.
وسى رەتتە, قازاقستاننىڭ زاڭنامالارى تولىق ساقتالۋى تيٸس.
«قازاقستان رەسپۋبليكاسىنداعى مەملەكەتتٸك قىزمەت تۋرالى» زاڭنىڭ 32-بابىنا سەيكەس, دەمالىس جەنە مەرەكە كٷندەرٸ كەزەك كٷتتٸرمەيتٸن, الدىنا الا جوسپارلانباعان جۇمىستاردى ورىنداۋ ٷشٸن مەملەكەتتٸك قىزمەتشٸلەردٸ جۇمىسقا شاقىرۋعا بولادى.
ەڭبەك كودەكسٸ بويىنشا, مەملەكەتتٸك قىزمەتشٸلەر ٶزدەرٸنٸڭ جازباشا كەلٸسٸمٸمەن عانا جۇمىسقا شىعا الادى جەنە ولاردىڭ ەڭبەگٸنە اقى تٶلەنۋٸ تيٸس.
ەڭبەك كودەكسٸنٸڭ 85-بابىنا سەيكەس, دەمالىس, مەرەكە كٷندەرٸ جۇمىسقا شىققان قىزمەتكەرگە ٶز قالاۋى بويىنشا بٸر كٷندٸك دەمالىس بەرٸلەدٸ نەمەسە بٸر كٷندٸك ەڭبەكاقىسى كەمٸندە 1,5 ەسە كٶلەمٸندە تٶلەنەدٸ.
وسىلايشا ەڭبەك كودەكسٸنٸڭ تالاپتارىن ساقتاي وتىرىپ, مەملەكەتتٸك قىزمەتشٸلەردٸ مەرەكەدەن كەيٸنگٸ دەمالىس كٷنٸ دە جۇمىسقا شاقىرۋعا بولادى.
جالپى زاڭناما ٶزگەرمەيدٸ. مەملەكەت باسشىسى ونداي تاپسىرما بەرگەن جوق.
قاسىم-جومارت كەمەلۇلىنىڭ جاڭا ەڭبەك ەتيكاسىن قالىپتاستىرۋعا, مەملەكەتتٸك قىزمەتشٸلەر مەن ەلٸمٸزدٸڭ بارلىق ازاماتتارىن ەڭبەكقورلىق پەن جاۋاپكەرشٸلٸك يدەولوگيياسىن ٸلگەرٸلەتۋگە شاقىرعانىن اتاپ ٶتكٸم كەلەدٸ.
ەستەرٸڭٸزدە بولسا, وسىدان بٸرنەشە كٷن بۇرىن پرەزيدەنت جامبىل وبلىسىندا ازاماتتارىمىزدى ەڭبەكقورلىقتىڭ, تاباندىلىقتىڭ, پاراساتتىلىقتىڭ ٷلگٸسٸن كٶرسەتۋگە شاقىرعان بولاتىن. قاسىم-جومارت كەمەلۇلىنىڭ وسى سٶزدەرٸ, ەڭ بٸرٸنشٸ كەزەكتە, مەملەكەتتٸك قىزمەتشٸلەرگە باعىتتالعانىنا سەنٸمدٸمٸن!
