قر پرەزيدەنتٸنٸڭ باسپاسٶز حاتشىسى بەرٸك ۋەلي مەملەكەت باسشىسىنىڭ ەلەۋمەتتٸك جەلٸدەگٸ كەي جازبالارى نەلٸكتەن كەش جارييالاناتىنىن تٷسٸندٸردٸ, دەپ جازادى zakon.kz پورتالى.
بەرٸك ۋەليدٸڭ سٶزٸنە قاراعاندا, قاسىم-جومارت كەمەلۇلى دەمالىسسىز ەڭبەك ەتٸپ, تۋىنداعان قاتەرلەرگە دەر كەزٸندە جەدەل نازار اۋدارادى. داعدارىسقا قارسى كٷن تەرتٸبٸمەن قاتار, پرەزيدەنت مەملەكەتتٸ دامىتۋدىڭ ۇزاق مەرزٸمدٸ مٸندەتتەرٸنە دە, اتاپ ايتقاندا ەكونوميكانى قولداۋعا, ەلەۋمەتتٸك سالالارعا دا جٸتٸ كٶڭٸل بٶلٸپ وتىرادى.
«مەملەكەت باسشىسى ەلدەگٸ جالپى جاعدايدى جٸتٸ باقىلاپ, باق پەن ەلەۋمەتتٸك جەلٸلەردەگٸ جارييالىمدارمەن تانىسۋعا ٷنەمٸ ۋاقىت تابادى. قاسىم-جومارت كەمەلۇلى قاجەت دەپ تاپقان جاعدايدا, جازبا جارييالاپ, قوعام نازارىنا ٸلٸككەن وقيعالارعا قاتىستى ٶز كٶزقاراسىن بٸلدٸرٸپ, تيٸستٸ تاپسىرما بەرەدٸ. جۇمىس كەستەسٸ تىعىز بولعاندىقتان, مۇنداي جازبالاردىڭ كەش جارييالانۋى تٷسٸنٸكتٸ دەپ ويلايمىن, - دەپ تٷسٸندٸردٸ بەرٸك ۋەلي.
سونىمەن قاتار, باسپاسٶز حاتشىسى پرەزيدەنتتٸڭ دەمالىسسىز ەڭبەك ەتٸپ جاتقانىن اتاپ ٶتتٸ.a
