QR Prezidentiniń baspasóz hatshysy Berik Ýáli Memleket basshysynyń áleýmettik jelidegi kei jazbalary nelikten kesh jariialanatynyn túsindirdi, dep jazady zakon.kz portaly.
Berik Ýálidiń sózine qaraǵanda, Qasym-Jomart Kemeluly demalyssyz eńbek etip, týyndaǵan qaterlerge der kezinde jedel nazar aýdarady. Daǵdarysqa qarsy kún tártibimen qatar, Prezident memleketti damytýdyń uzaq merzimdi mindetterine de, atap aitqanda ekonomikany qoldaýǵa, áleýmettik salalarǵa da jiti kóńil bólip otyrady.
«Memleket basshysy eldegi jalpy jaǵdaidy jiti baqylap, BAQ pen áleýmettik jelilerdegi jariialymdarmen tanysýǵa únemi ýaqyt tabady. Qasym-Jomart Kemeluly qajet dep tapqan jaǵdaida, jazba jariialap, qoǵam nazaryna ilikken oqiǵalarǵa qatysty óz kózqarasyn bildirip, tiisti tapsyrma beredi. Jumys kestesi tyǵyz bolǵandyqtan, mundai jazbalardyń kesh jariialanýy túsinikti dep oilaimyn, - dep túsindirdi Berik Ýáli.
Sonymen qatar, baspasóz hatshysy Prezidenttiń demalyssyz eńbek etip jatqanyn atap ótti.a
