تٷرٸكمەنستان پرەزيدەنتٸ گۋربانگۋلى بەردٸمۇحامەدوۆ ات سپورتى كەشەنٸن ارالاۋ كەزٸندە قازاقستان پرەزيدەنتٸ قاسىم-جومارت توقاەۆقا اسىلتۇقىمدى اقالتەكە سىيعا تارتتى.
بۇل تۋرالى مەملەكەت باسشىسىنىڭ باسپاسٶز حاتشىسى بەرٸك ۋەلي Facebook جەلٸسٸندە جارييالادى.
"اشحابادتاعى جىلقى كەشەنٸن ارالاپ كٶرۋ بارىسىندا تٷرٸكمەنستان پرەزيدەنتٸ گۋربانگۋلى بەردٸمۇحامەدوۆ قازاقستان پرەزيدەنتٸ قاسىم-جومارت توقاەۆقا اسىلتۇقىمدى اقالتەكە ارعىماعىن سىيلادى.
بۇدان بٶلەك, ەلٸمٸزدٸڭ باسشىسىنا تٷرٸكمەن تازىسىنىڭ كٷشٸگٸن سىيعا تارتتى", - دەپ جازدى بەرٸك ۋەلي.
ٶز كەزەگٸندە قاسىم-جومارت توقاەۆ تٷرٸكمەنستان پرەزيدەنتٸنە "كەرەمەت سىيى" جەنە "باۋىرلاس تٷرٸكمەن حالقى" تاراپىنان دوستىق تانىتقانى ٷشٸن العىس ايتتى.
ايتا كەتەيٸك, بۇعان دەيٸن تٷرٸكمەنستانعا مەملەكەتتٸك ساپارمەن كەلگەن قاسىم-جومارت توقاەۆ پرەزيدەنت گۋربانگۋلى بەردٸمۇحامەدوۆپەن بٸرگە اقالتەكە جىلقىسىنا ارنالعان كەشەننٸڭ يپپودرومىن ارالاپ كٶرگەنٸ حابارلانعان بولاتىن.
