قازاقستاندا بەنزيننٸڭ قىمباتتاۋى باسقا قىزمەتتەردٸڭ باعاسىنا قالاي ەسەر ەتەدٸ? تٸلشٸلەردٸڭ بۇل سۇراعىنا ٷكٸمەتتٸڭ باسپاسٶز ورتالىعىندا ەنەرگەتيكا ۆيتسە-مينيسترٸ ەسەت ماعاۋوۆ جاۋاپ بەردٸ, دەپ حابارلايدى "ۇلت اقپارات".
«اكتسيزدٸ كٶتەرۋ جٶنٸندەگٸ بۇيرىق ەلٸ كٷشٸنە ەنگەن جوق. قازٸر ەكونوميكا مينيسترلٸگٸ بۇيرىقتىڭ جوباسىن دايىنداپ, ماقۇلداۋ ٷشٸن بارلىق مينيسترلٸككە جٸبەردٸ. ماقۇلدانسا, بۇيرىق 1 قاڭتاردان باستاپ كٷشٸنە ەنەدٸ. ۇلتتىق ەكونوميكا مينيسترلٸگٸنٸڭ بولجامى بويىنشا, بۇل ٶزگەرٸس بەنزين باعاسىنىڭ ٶسۋٸنە اسا قاتتى ەسەر ەتپەۋٸ كەرەك. باعانىڭ مۋلتيپليكاتيۆتٸك ەسەرٸ قالاي بولاتىنىن سۇراپ جاتىرسىزدار. بەنزين كوممۋنالدىق تٶلەم نەمەسە ەلەكتر جارىعى ٷشٸن پايدالانىلمايدى. سۇرانىس كٶبٸنەسە ديزەل وتىنىنا ارتادى. سوندىقتان, ەلەكتر قۋاتى مەن كوممۋنالدىق تٶلەمدەردٸڭ ٶسۋٸنە كٶپ ەسەر ەتپەيتٸن شىعار دەپ بولجايمىز. ناقتى جاۋاپتى ۇلتتىق ەكونوميكا مينيسترلٸگٸنەن العان دۇرىس دەپ ويلايمىن», - دەدٸ ۆيتسە-مينيستر.
ەسەت ماعاۋوۆقا «بەنزين باعاسىن ەنەرگەتيكا مينيسترلٸگٸ رەتتەي مە, ەلدە ۇلتتىق ەكونوميكا مينيسترلٸگٸ مە?» دەگەن سۇراق قويىلدى. ونىڭ جاۋابىنا سەيكەس, بەنزين باعاسى كەيٸنگٸ ٷش جىلدا رەتتەلمەيدٸ.
«ياعني, بۇرىن مۇناي ٶنٸمدەرٸنٸڭ شەكتٸ باعاسى رەتتەلٸپ وتىراتىن. بەنزين باعاسى ٷكٸمەتتٸڭ تيٸستٸ قاۋلىسىمەن بەكٸتٸلەتٸن. بٸراق, بۇل جٷيەدەن كەتٸپ, ەاەو نەمەسە باسقا كەڭٸستٸكتە نارىقتىق قارىم-قاتىناسقا كٶشۋدٸ كٶزدەدٸك. كەيٸنگٸ ەكٸ-ٷش جىلدا بەنزين جەنە ديزەل وتىنىنىڭ باعاسى رەتتەلمەيدٸ. وسىدان 2-3 جىل بۇرىن تاپشىلىق بولعان كەزدە بەنزين باعاسى كٶتەرٸلٸپ كەتكەن بولاتىن. ٶتكەن جىلى, وسى جىلدىڭ باسىندا بەنزين ارتىلىپ, باعا تٶمەندەدٸ. دەمەك, جالپى قازاقستان نارىقتىق قارىم-قاتىناستى ۇستانۋى تيٸس دەپ ويلايمىز. سول سەبەپتٸ, قاي مينيسترلٸك بەنزين باعاسىن رەتتەۋگە مٸندەتتٸ دەپ سۇراۋ سالۋدىڭ ٶزٸ دۇرىس ەمەس. باستىسى, نارىقتا ٶندٸرۋشٸدەن باستاپ, سوڭعى ساتۋشىعا دەيٸنگٸ قارىم-قاتىناس, ٶزارا جۇمىس اشىق بولۋى كەرەك», - دەدٸ ول.
