قىرعىزستاندا ازاماتتىق جەنە ساياسي بەلسەندٸلەر كونستيتۋتسيياعا ٶزگەرٸستەر ەنگٸزۋ ۇسىنىسىنا قارسى قول جيناي باستادى دەپ حابارلايدى ازاتتىقتىڭ قىرعىز رەداكتسيياسى. باستاماشىل توپ ٶكٸلدەرٸ كونستيتۋتسيياعا ٶزگەرٸستەر ەنگٸزۋ جٶنٸندە رەفەرەندۋم ٶتكٸزۋدٸ پرەزيدەنت المازبەك اتامباەۆ قىزمەتٸنەن كەتكەننەن كەيٸن ونىڭ ىقپالىن ساقتاپ قالۋ ەرەكەتٸ دەپ سانايدى. كونستيتۋتسييالىق رەفورمانى جاقتايتىندار ٶزگەرٸستەر ەنگٸزۋدەگٸ ماقسات - كونستيتۋتسييانىڭ نورمالارىن رەتتەۋ دەيدٸ.
پارلامەنتتەگٸ "اتا مەكەن" فراكتسيياسىنىڭ جەتەكشٸسٸ, ەلدە "كونستيتۋتسييانىڭ ەكەسٸ" سانالاتىن ٶمٸربەك تەكەباەۆ كونستيتۋتسيياعا ۇسىنىلعان ٶزگەرٸستەر بيلٸك ينستيتۋتتارى اراسىنداعى تەپە-تەڭدٸكتٸ بۇزادى دەيدٸ.
كونستيتۋتسيياعا ٶزگەرٸستەر ەنگٸزۋگە قارسىلاردىڭ اراسىندا پارلامەنتتٸڭ بۇرىنعى دەپۋتاتى راۆشان جەەنبەكوۆ تە بار. ونىڭ پٸكٸرٸنشە, ٶزگەرٸستەر جوباسى اسىعىس دايارلانعان, سوندىقتان ونى رەفەرەندۋمعا شىعارۋعا بولمايدى. ونىڭ سٶزٸنشە, كونستيتۋتسييانى ٶزگەرتۋ - "بيلٸكتٸ بٸر قولعا شوعىرلاندىرۋ ٷشٸن جاسالىپ جاتقان ەرەكەت".
پرەزيدەنت المازبەك اتامباەۆ كەشە چولپون-اتادا جۋرناليستەرمەن كەزدەسۋٸندە كونستيتۋتسيياعا ٶزگەرٸستەر ٶزٸنٸڭ بيلٸگٸن "ساقتاۋ ٷشٸن ەنگٸزٸلمەيتٸنٸن" مەلٸمدەگەن. ول "بيلٸكتەن ايىرىلماۋعا" جەنە پرەمەر-مينيستر بولۋعا نيەتتٸ ەمەس ەكەنٸن دە ايتقان.
