Qyrǵyzstanda azamattyq jáne saiasi belsendiler konstitýtsiiaǵa ózgerister engizý usynysyna qarsy qol jinai bastady dep habarlaidy Azattyqtyń Qyrǵyz redaktsiiasy. Bastamashyl top ókilderi konstitýtsiiaǵa ózgerister engizý jóninde referendým ótkizýdi prezident Almazbek Atambaev qyzmetinen ketkennen keiin onyń yqpalyn saqtap qalý áreketi dep sanaidy. Konstitýtsiialyq reformany jaqtaityndar ózgerister engizýdegi maqsat - konstitýtsiianyń normalaryn retteý deidi.
Parlamenttegi "Ata Meken" fraktsiiasynyń jetekshisi, elde "Konstitýtsiianyń ákesi" sanalatyn Ómirbek Tekebaev konstitýtsiiaǵa usynylǵan ózgerister bilik institýttary arasyndaǵy tepe-teńdikti buzady deidi.
Konstitýtsiiaǵa ózgerister engizýge qarsylardyń arasynda parlamenttiń burynǵy depýtaty Ravshan Jeenbekov te bar. Onyń pikirinshe, ózgerister jobasy asyǵys daiarlanǵan, sondyqtan ony referendýmǵa shyǵarýǵa bolmaidy. Onyń sózinshe, konstitýtsiiany ózgertý - "bilikti bir qolǵa shoǵyrlandyrý úshin jasalyp jatqan áreket".
Prezident Almazbek Atambaev keshe Cholpon-Atada jýrnalistermen kezdesýinde Konstitýtsiiaǵa ózgerister óziniń biligin "saqtaý úshin engizilmeitinin" málimdegen. Ol "bilikten aiyrylmaýǵa" jáne premer-ministr bolýǵa nietti emes ekenin de aitqan.
