الماتىدا بەلگٸسٸز بٸرەۋ مەجٸلٸس دەپۋتاتى باقىتجان بازاربەكتٸڭ پەتەرٸنٸڭ الدىندا تۇرعان بەسٸك اربانى ٶرتەپ جٸبەردٸ, دەپ حابارلايدى "ۇلت اقپارات".
دەپۋتات بولعان جاعدايدى ەلەۋمەتتٸك جەلٸدەگٸ پاراقشاسىندا باياندادى.
"مەنٸڭ وتباسىما بەلگٸسٸز بٸرەۋلەردەن قوقان-لوققىعا ۇقسايتىن ەرەكەتتەر باستالدى. كٸشكەنتاي بالاپانىمنىڭ كولياسكاسىن پەتەرٸمنٸڭ ەسٸگٸ الدىندا جاعىپ جٸبەرگەن. وسىلاي, ەسكٸ قازاقستاننىڭ ٶكٸلدەرٸ ٶزٸنٸڭ بار-جوعىن ەسكەرتٸپ, بٸلدٸرتٸپ وتىرعانداي سەزٸنەسٸڭ! نە بولسا دا, تەرگەۋ قورىتىندىسىن كٷتەيٸك", - دەپ جازدى بازاربەك.
ونىڭ ايتۋىنشا, ٷيدٸڭ كٸرەبەرٸسٸندە تۋرا پەتەردٸڭ الدىندا بەينەباقىلاۋ كامەراسى بار, سىرتتا دا بٸرەۋٸ ورناتىلعان.
"سوندىقتان تەرگەۋشٸلەر ٷشٸن ەشقانداي قيىندىق بولماۋى كەرەك", - دەپ اتاپ ٶتتٸ دەپۋتات.
ايتا كەتەرٸ, دەپۋتات بازاربەك الماتىدان بٸر ماندانتتىق وكرۋگتەن سايلاندى. زاڭگەر جەر مەسەلەسٸن جيٸ كٶتەرەدٸ. بۇعان دەيٸن ول بانكتەردٸڭ يەلٸگٸندەگٸ 2 ملن گا جەردٸ مەملەكەتكە قايتارۋدى تالاپ ەتكەن.
