قازاقستاندىق سەۋلەتشٸ باقىتجان ەشٸرباەۆ كٶز جۇمدى, دەپ حابارلادى قازاقستاننىڭ يندۋسترييا جەنە ينفراقۇرىلىمدىق دامۋ مينيسترلٸگٸنٸڭ رەسمي تەلەگرام ارناسى.
باقىتجان ەشٸرباەۆ – شىمكەنت قالاسىنىڭ تۋماسى. ول "سەۋلەتشٸ" ماماندىعى بويىنشا جوعارى بٸلٸم العان. ەشٸرباەۆ ٶز ٶمٸرٸن ارحيتەكتۋرا مەن قالا قۇرىلىسىنا ارنادى.
جان-جاقتى دارىندى ازامات بارلىق قىزمەتٸندە شىعارماشىلىقتى جوعارى ورىنعا قوياتىن. سۋرەتكە تٷسٸرۋمەن ەۋەستەنٸپ, كٶرمەلەر ۇيىمداستىراتىن. ونىڭ "تٷركٸستاننىڭ التىن قابىرعالارى" اتتى فوتولارى اسا تانىمال. سونداي-اق تەلە جەنە كينوتٷسٸرٸلٸممەن دە اينالىستى. بٸر كەزدەرٸ ستۋدييا جاساقتاپ, جۋرنال شىعارۋعا اتسالىستى, ٶلەڭ جازىپ, ەندٸ تاماشا ورىندايتىن", - دەپ جازىلعان حابارلامادا.
ەشٸرباەۆتى كٶزٸ تٸرٸسٸندە شىمكەنت اڭىزى دەپ اتايتىن.
ول ەڭبەك جولىن 1975 جىلى "يۋجگورسەلپروەكت" جوبالىق ينستيتۋتىندا سەۋلەتشٸ قىزمەتٸندە باستاعان. 1981-1999 جىلدارى شىمكەنتتٸڭ باس سەۋلەتشٸسٸ بولدى. ونىڭ جەتەكشٸلٸك ەتۋٸمەن قالا كٶركٸ تٷبەگەيلٸ ٶزگەرگەن.
1999-2005 جىلدار ارالىعىندا باقىتجان ەشٸرباەۆ تٷركٸستاننىڭ 1500 جىلدىق مەرەيتويىنا دايىندالۋ جەنە ٶتكٸزۋ جٶنٸندەگٸ ديرەكتسيياعا جەتەكشٸلٸك ەتتٸ. ول وسى قىزمەتٸ ٷشٸن قازاقستان مەملەكەتتٸك سىيلىعىنىڭ لاۋرەاتى اتاندى.
سونىمەن قاتار ەشٸرباەۆ وبلىستىڭ باس سەۋلەتشٸسٸ جەنە كەيٸننەن قىسقارتىلعان وڭتٷستٸك قازاقستان وبلىسى ەكٸمٸنٸڭ ورىنباسارى قىزمەتٸندە بولعان.
