قازاق جۋرناليستيكاسىنىڭ بەلدٸ ٶكٸلٸ, «قازاق گازەتتەرٸ» جشس-نٸڭ باس ديرەكتورى جۇمابەك كەنجالين 63 جاسقا قاراعان شاعىندا دٷنيە سالدى.
كەنجالين جۇمابەك ومارۇلى 1954 جىلى 30 جەلتوقساندا قوستاناي وبلىسىنىڭ امانگەلدٸ اۋدانىنداعى «جاڭا تۇرمىس» كولحوزىندا تۋعان. 1971 جىلى ارقالىق اۋدانىنداعى قايىندى ورتا مەكتەبٸن بٸتٸرگەن سوڭ, شارۋاشىلىقتا جۇمىسشى, ەلەكترمەن دەنەكەرلەۋشٸ, كەيٸن ورتا مەكتەپتٸڭ مۇعالٸمٸ بولىپ قىزمەت اتقاردى.
1973 جىلدان — 1975 جىلعا دەيٸن قارۋلى كٷشتەر قاتارىندا قىزمەت ەتتٸ.
1981 جىلى س.م.كيروۆ اتىنداعى قازاق مەملەكەتتٸك ۋنيۆەرسيتەتٸن ويداعىداي بٸتٸردٸ. ول بٸرقاتار دٷنيەجٷزٸلٸك جەنە بٷكٸلوداقتىق جاستار مەن ستۋدەنتتەردٸڭ فورۋمدارىنا قاتىستى. 1978 جىلى حالىق دەپۋتاتتارى الماتى قالالىق سوۆەتٸنٸڭ دەپۋتاتتىعىنا سايلاندى.
1981 جىلى «ەگەمەن قازاقستان» («سوتسياليستٸك قازاقستان») گازەتٸندە ەۋەلٸ تٸلشٸ, كەيٸن بٶلٸم مەڭگەرۋشٸسٸ, 1986-1988 جىلدارى «زەردە» («بٸلٸم جەنە ەڭبەك») جۋرنالىندا جاۋاپتى حاتشى, باس رەداكتوردىڭ مٸندەتٸن اتقارۋشى, 1994 جىلدان «حالىق كەڭەسٸ» گازەتٸنٸڭ باس رەداكتورى بولدى. 1996 جىلدان «اقيقات» جۋرنالىنىڭ باس رەداكتورى, 1997-1999 جىلدار ارالىعىندا «قازاق ەدەبيەتٸ» گازەتٸنٸڭ باس رەداكتورى قىزمەتٸن اتقاردى.
1999 جىلدان 2007 جىلعا دەيٸن «قازاق گازەتتەرٸ» جاق-نىڭ پرەزيدەنتٸ, باس ديرەكتورى, «انا تٸلٸ» ۇلتتىق اپتالىعىنىڭ, «اقيقات» ۇلتتىق قوعامدىق-ساياسي جۋرنالىنىڭ باس رەداكتورى قىزمەتتەرٸندە بولدى. «قازاق گازەتتەرٸ» جشس-نىڭ باس ديرەكتورى – رەداكتورلار كەڭەسٸنٸڭ تٶراعاسى. ول 2004 جىلى «بۇقارالىق اقپارات قۇرالدارىنىڭ قازاقستاندىق پاتريوتيزمدٸ قالىپتاستىرۋداعى رٶلٸ» دەگەن تاقىرىپتا ساياسي عىلىمدارىنىڭ كانديداتى اتاعىن الۋ ٷشٸن ديسسەرتاتسييا قورعادى.
ج.و.كەنجالين قازاقستان ٷكٸمەتٸ جانىنداعى مەملەكەتتٸك تەرمينولوگييالىق كوميسسييا مٷشەسٸ, حVٸٸ شاقىرىلعان حالىق دەپۋتاتتارى الماتى قالالىق كەڭەسٸنٸڭ دەپۋتاتى بولىپ سايلاندى.
ول «جەلكٸلدەپ ٶسكەن قۇراقتاي» (1988ج.), «شىندىقتى شىراق ەتٸپ ۇستاڭىز» (1998ج.), «ۇلت رۋحىن ۇلىقتاعان ۇرپاقپىز» (2005ج.), «ساياسي مەنەدجمەنت جەنە باسپاسٶزدٸڭ جۇرتشىلىقپەن بايلانىس مەسەلەلەرٸ» (2010ج.), «ەر جەۋكە مٸنبەگەنمەن التىن تاققا» (2011ج.) دەپ اتالاتىن كٸتاپتاردىڭ اۆتورى.
ج.و.كەنجالين – قازاقستان رەسپۋبليكاسى پرەزيدەنتٸنٸڭ بۇقارالىق اقپارات قۇرالدارى سالاسىنداعى سىيلىعىنىڭ لاۋرەاتى (2006 ج.), قازاقستان جۋرناليستەر وداعى سىيلىعىنىڭ لاۋرەاتى (1983 ج), قازاقستان جۋرناليستەر اكادەميياسىنىڭ تولىق مٷشەسٸ-اكادەميگٸ (2001 ج), قازاقستان رەسپۋبليكاسىنىڭ مەدەنيەت قايراتكەرٸ (2004 ج.), «قۇرمەت» وردەنٸنٸڭ (2009ج.), قازاقستان رەسپۋبليكاسىنىڭ تەۋەلسٸزدٸگٸنە – 20 جىل» مەدالٸنٸڭ (2011ج.) يەگەرٸ, قازاقستان جازۋشىلار وداعىنىڭ مٷشەسٸ.
ٶمٸرٸنٸڭ سوڭعى جىلدارىندا “قازاق گازەتتەرٸ” جشس ۇجىمىن باسقاردى.
ۇلت پورتالى ۇجىمى مارقۇمنىڭ وتباسىنا, اعايىن-تۋىستارىنا قايعىرا كٶڭٸل ايتادى. اعامىزدىڭ جانى جەنناتتا بولسىن!
جۇمابەك ومارۇلىمەن قوشتاسۋ رەسٸمٸ ەرتەڭ, ياعني 25 شٸلدە كٷنٸ ساعات 10.00-دە قازاقستان جازۋشىلار وداعىنىڭ عيماراتىندا ٶتەدٸ (ابىلايحان كٶش. 105 ٷي).
