ۇلىبريتانييادا بۇرىنعى پارلامەنت دەپۋتاتى ەنن ۋيدديكومبتىڭ ٶلٸمٸنە قاتىستى تەرگەۋدە جاڭا دەرەكتەر جارييا بولدى. تەرگەۋشٸلەردٸڭ مەلٸمەتٸنشە, كٸسٸ ٶلتٸردٸ دەگەن كٷدٸككە ٸلٸنگەن ازامات وقيعا بولاتىن كٷنٸ ەلدٸڭ باسقا ٶڭٸرٸنەن دەۆون گرافتىعىنا دەيٸن شامامەن 430 شاقىرىم جول جٷرگەن, دەپ حابارلايدى ult.kz.
The Telegraph باسىلىمىنىڭ جازۋىنشا, باقىلاۋ كامەرالارىنا تٷسكەن بەينەلەردە كٷدٸكتٸنٸڭ وڭتٷستٸك يوركشيردەگٸ ٷيٸنەن تاڭەرتەڭ شىعىپ بارا جاتقانى كٶرٸنەدٸ. كۋەگەرلەر ونىڭ كٶلٸككە اعاش تاياققا ۇقساس زاتتى سالىپ جاتقانىن بايقاعان. كەيٸن ول قىزىل تٷستٸ اۆتوكٶلٸكپەن دارتمۋر ۇلتتىق پاركٸ ماڭىنا قاراي جولعا شىققان دەگەن بولجام بار.
78 جاستاعى ەنن ۋيدديكومب دەۆونداعى جەكە ٷيٸندە ٶلٸ كٷيٸندە تابىلعان. پوليتسييا ونىڭ باسىنان اۋىر جاراقات العانىن حابارلادى. الدىن الا بولجام بويىنشا, شابۋىل 9 شٸلدە كٷنٸ تٷسكە قاراي جاسالعان. مارقۇمنىڭ دەنەسٸن كەلەسٸ كٷنٸ ٷي قىزمەتكەرٸ تاۋىپ, جەدەل جەردەم شاقىرعان.
كٷدٸكتٸ رەتٸندە 28 جاستاعى ەر ادام ۇستالدى. پوليتسييا قازٸرگٸ ۋاقىتتا بۇل ٸسكە باسقا ادامداردىڭ قاتىسى بار دەگەن نۇسقانى قاراستىرماي وتىر. تەرگەۋ جالعاسىپ جاتقاندىقتان, قىلمىستىڭ ناقتى سەبەبٸ ەزٸرگە جارييالانعان جوق.
العاشقى مەلٸمدەمەلەردە قۇقىق قورعاۋ ورگاندارى وقيعانىڭ ساياسي نەمەسە تەرروريستٸك استارى جوق ەكەنٸن ايتقان بولاتىن. الايدا كەيٸنٸرەك انىقتالعان جاڭا ايعاقتارعا بايلانىستى ٸستٸ ۇلىبريتانييانىڭ تەرروريزمگە قارسى قىزمەتٸ ٶز باقىلاۋىنا الدى. سوعان قاراماستان, تەرگەۋشٸلەر قىلمىستىڭ تٷپكٸ موتيۆٸنە قاتىستى ناقتى قورىتىندى شىعارعان جوق.
ەنن ۋيدديكومب 1987–2010 جىلدارى ۇلىبريتانييا پارلامەنتٸنٸڭ دەپۋتاتى بولدى. كەيٸن Brexit پارتيياسى مەن Reform UK ساياسي قوزعالىسىنىڭ بەلسەندٸ مٷشەسٸ رەتٸندە تانىلىپ, تەلەۆيزييالىق جوبالارعا دا قاتىسقان. ونىڭ قازاسى بريتان قوعامى مەن ساياسي ورتاسىندا ٷلكەن رەزونانس تۋدىردى.
