بٷگٸن سەمەي قالاسىندا بەلگٸلٸ ابايتانۋشى تٶكەن يبراگيموۆ باقيلىق بولدى, دەپ حابارلايدى "ۇلت اقپارات".
بەلگٸلٸ جازۋشى, سىنشى, ەدەبيەت پەن ٶنەر زەرتتەۋشٸسٸ تٶكەن يبراگيموۆتىڭ قايتىس بولعانىن ٶزٸ 34 جىل باسقارعان ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەيٸنٸڭ ۇجىمى راستادى. ابايتانۋشى 78 جاسىندا ٶمٸردەن وزدى.
تٶكەن سمايىلۇلى يبراگيموۆ بۇرىنعى سەمەي وبلىسى, اقسۋات اۋدانى «جاڭا نەسٸپ» كولحوزىنىڭ كەزەڭشٸلٸك دەگەن جەرٸندە 1939 جىلى 15 اقپاندا دٷنيەگە كەلگەن. 1957 جىلى ورتا مەكتەپتٸ بٸتٸرگەن سوڭ, 1958 جىلى الماتىداعى كازپي-دٸڭ تاريح-فيلولوگييا فاكۋلتەتٸنە تٷسٸپ, ونى 1964 جىلى ويداعىداي اياقتاپ شىعادى. 1971-1975 جىلدارى اسپيرانتۋرادا وقيدى. بولاشاق قالامگەر ٶزٸنٸڭ ەڭبەك جولىن قاراپايىم اۋىل جۇمىستارىنان باستايدى.
1964-1969 جىلدارى جدانوۆ اتىنداعى سەگٸز جىلدىق مەكتەپتە تەربيەشٸ, قازاق تٸلٸ مەن ەدەبيەت جەنە تاريح پەندەرٸنٸڭ مۇعالٸمٸ, وقۋ ٸسٸنٸڭ مەڭگەرۋشٸسٸ بولىپ قىزمەت ەتەدٸ. 1969-1976 جىلدارى سەمەي وبلىستىق تەلەۆيدەنيەسٸندە ەدەبيەت-دراما, مۋزىكالىق اقپاراتتار رەداكتسيياسىنىڭ رەداكتورى, اعا رەداكتورى قىزمەتتەرٸن اتقارادى. العاشقى ەڭبەكتەرٸ ستۋدەنتتٸك جىلدارى «لەنينشٸل جاس», «ەكپٸندٸ» گازەتتەرٸندە, «جۇلدىز» جۋرنالىندا جارىق كٶرگەن.
1996 جىلى «قازاقستانعا ەڭبەگٸ سٸڭگەن قىزمەتكەرٸ» اتاعى بەرٸلدٸ, 1998 جىلى «قۇرمەت» وردەنٸمەن ماراپاتتالدى. جۇرتشىلىققا ۇلى اباي مۇراسى, جالپى قازاق پوەزيياسى, مەدەنيەتٸ جايلى زەرتتەۋ ەڭبەكتەرٸ ارقىلى كەڭٸنەن تانىمال قالامگەر «ٶلەڭ ٶرٸسٸ» (1979 ج.), 1999 جىلى «ويمەن وڭاشا» اتتى پوەزيياسى, «ينديراعا حات», «تولقىن تولعاۋ» (2001 ج.) مونوگرافيياسىنىڭ, «ساعىنىش», «قارا بۇزاۋ», «سارى قۇس» ەڭگٸمەلەرٸنٸڭ, «جازا» وپەراسىنىڭ ليبرەتتوسى ت.ب. ەكٸ جٷزدەن استام ەدەبي-سىن, ەدەبي زەرتتەۋ, ابايتانۋعا قاتىستى تولاعاي تۋىندىلاردىڭ اۆتورى. سونىمەن قاتار, «كٷي ەلەمٸ», «تولقىن تولعاۋ», «ەن ٶلكەسٸ» اتتى كٸتاپتارى حالقىمىزدىڭ كەشەگٸ ەن-كٷي قازىناسى مەن بٷگٸنگٸ كٷيشٸلٸك-ورىنداۋشىلىق ٶنەرٸنٸڭ شەبەرلٸك مەسەلەلەرٸن قوزعايدى.
ول 1976 جىلدىڭ 12-سەۋٸرٸنەن كٷنٸ بٷگٸنگە دەيٸن اباي قورىق مۇراجايىنىڭ شىراقشىسى بولىپ كەلدٸ.
