بەلارۋس مەملەكەتٸ قازاقستانمەن بٸرگە تاعى بٸرنەشە ەلدەن مۇنايدى شيكٸزات رەتٸندە الىپ, ٶز زاۋىتتارىندا ٶڭدەپ الماق. بۇل تۋرالى ەنەرگەتيكا ۆيتسە-مينيسترٸ ەسەت ماعاۋوۆ ايتتى, دەپ حابارلايدى قازاقپارات.
«بەلارۋس دايىن مۇناي ٶنٸمدەرٸنەن بۇرىن ٶزدەرٸ ٶڭدەپ الاتىنداي مۇناي, گازويل سەكٸلدٸ شيكٸزاتقا كٶبٸرەك قىزىعىپ وتىر. ولار وسىلايشا, شيكٸزاتتى ٶز زاۋىتتارىندا پايدالانىپ, دايىن ٶنٸمگە يە بولماق. سول سەبەپتٸ, مەنٸڭ ويىمشا, ولار بٸزدٸڭ بەنزينگە قىزىعىپ وتىرعان جوق. كەلٸسسٶزدەردە جارييالانعان سۇرانىس كٶلەمٸ شامامەن 3,2 ملن توننا. ونى تاسىمالداۋدىڭ تٷرلٸ نۇسقالارى قارالۋ ٷستٸندە. قازٸر جالپى سۇراقتار بويىنشا ورتاق مەمٸلەگە كەلدٸك. ەندٸ مەملەكەت ٸشٸندەگٸ پروتسەدۋرالاردان ٶتكەننەن كەيٸن ٶزگە مينيسترلٸكتەردٸڭ ماقۇلداۋىن الۋىمىز كەرەك. عىلىمي-قۇقىقتىق, ينۆەستيتسييالىق ساراپتاما جاسالۋى تيٸس. سودان كەيٸن عانا ەكسپورتقا شىعا الامىز», - دەدٸ ەسەت ماعاۋوۆ بٷگٸن ٷكٸمەت ٷيٸندە ٶتكەن باسپاسٶز مەسليحاتىندا.
ۆيتسە-مينيستر بەلارۋس تاراپىمەن ەكسپورت كٶلەمٸ بويىنشا كەلٸسٸمگە كەلگەننەن كەيٸن عانا شيكٸزات قاي باعىت ارقىلى تاسىمالداناتىنى تالقىلاناتىنىن ايتىپ ٶتتٸ.
«رەسەيلٸك ەرٸپتەستەرٸمٸزبەن دە سول كەزدە سٶيلەسەمٸز. ال رەسەي تاراپى بۇعان قارسى دەگەندٸ ەستٸمەپپٸن. مەنٸڭ بٸلۋٸمشە, قازاقستان تاراپىنان دا, بەلارۋس تاراپىنان دا ونداي ۇسىنىس تٷسپەگەنٸ ايتىلعان بولاتىن. بارلىق ساراپتاما اياقتالعاننان كەيٸن ەدٸلەت جەنە سىرتقى ٸستەر مينيسترلٸكتەرٸنٸڭ رۇقساتىن الۋ قاجەت. بەلارۋس تاراپى سۇراپ وتىرعان ەكسپورت كٶلەمٸن قامتاماسىز ەتۋ ٷشٸن بٸرقاتار ەرەجەگە ٶزگەرٸس ەنگٸزۋ كەرەك. بەلارۋس قازاقستاننان ٶزگە ەلدەرگە دە ساتاتىن كٶلەمدەگٸ مۇنايدى العىسى كەلەدٸ. مۇنداي كٶلەمدەگٸ مۇناي ٷشٸن كەدەندٸك ەكسپورت سالىعى الىنادى. بۇل بٸزدٸڭ بيۋدجەتكە قوسىمشا شىعىن. سوندىقتان, بٸز بەلارۋس جاعىنا ٶنٸمدٸ تاراتۋ كەلٸسٸمٸ بويىنشا كەلٸسسٶزدەر جٷرگٸزۋدٸ ۇسىندىق. ٶزدەرٸ سۇراعان مۇنايدى قازاقستاننان كەدەندٸك ەكسپورت سالىعى سالىنباي شىعارىلاتىن ٶنٸم رەتٸندە ساتىپ السا عانا بٸز ٷشٸن بارىنشا شىعىنسىز بولار ەدٸ», - دەدٸ ول.
ەسەت ماعاۋوۆ ەگەر بەلارۋس تاراپىمەن باعا مەن ماركەتينگ ستراتەگيياسى بويىنشا كەلٸسٸمگە قول جەتكٸزٸلسە, قازاقستان اتالمىش كٶلەمدەگٸ مۇنايدى كەستە بويىنشا جەتكٸزۋگە دايىن ەكەنٸن اتاپ ٶتتٸ.
«دەمەك, بارلىعى كومپانييالارمەن كەلٸسسٶز جٷرگٸزۋ نەتيجەسٸنە بايلانىستى. مەنٸڭ ويىمشا, بارلىق پروتسەدۋرادان سەتتٸ ٶتسەك, ياعني قوسىمشا ماقۇلداۋدى قاجەت ەتەتٸن باسقا مەملەكەتتٸك ورگاندار تاراپىنان كٷتپەگەن ەسكەرتۋلەر بولماسا, كەلەر جىلدىڭ باسىندا كەلٸسٸمگە قول قويىلۋى مٷمكٸن», - دەدٸ ەسەت ماعاۋوۆ.
