2015 جىلى «سلاۆيان بازارى» حالىقارالىق فەستيۆالٸنٸڭ جەڭٸمپازى, قازاق اتىن ەلەمگە تانىتقان ديماش قۇدايبەرگەن بيىل ۆيتەبسككە تٶرەشٸ رەتٸندە كەلٸپ, فەستيۆال اياسىندا ەن شىرقادى, دەپ حابارلايدى قازاقپارات تٸلشٸسٸ.
2015 جىلى قازاقستاندىق ەنشٸنٸ فاناتتارى شات-شادىمان شاپالاقپەن جەنە گٷل شوقتارىمەن كٷتٸپ العان بولاتىن.
ارادا ٷش جىل ٶتكەندە بەلارۋسكە تٶرەشٸ رەتٸندە جولى تٷسكەن ەنشٸنٸ جانكٷيەرلەرٸ ساحنادان جٸبەرگٸسٸ كەلمەي, ەندەردٸ كٶبٸرەك ورىنداۋىن ٶتٸنٸپ, قولقا سالدى. «سلاۆيان بازارى» فەستيۆالٸنٸڭ جٷرگٸزۋشٸسٸ تٸپتٸ رەسەيلٸك ەنشٸ نيكولاي باسكوۆتىڭ گٷل شوقتارىنسىز قالعانىن ايتىپ, ەزٸلدەدٸ. وسىنىڭ بەرٸن بەلارۋس پرەزيدەنتٸ الەكساندر لۋكاشەنكو جىميىپ قانا تاماشالاپ وتىرعان بولاتىن.
فەستيۆالدٸڭ اشىلۋ سالتاناتىندا ديماش قۇدايبەرگەن «S.O.S. d'un terrien en detresse» ەنٸن ورىندادى. سونىمەن بٸرگە, ول «ۇلى دالانىڭ ٶنەرٸ» اتتى گالا-كونتسەرتتە ەن شىرقادى. ول «Adagio» ەنٸمەن قوسا ناعيما ەسقاليەۆامەن بٸرگە «بەلوۆەجسكايا پۋششا» ەنٸن ەۋەلەتتٸ.
ٶزٸنٸڭ ينستاگرام پاراقشاسىندا قازاق ەنشٸسٸ بەلارۋستاعى جانكٷيەرلەرٸنٸڭ قالاي شىعارىپ سالىپ جاتقانىن كٶرۋگە بولادى. فاناتتارىنىڭ بٸرٸ ەنشٸگە «بٸز سەنٸ پيتەردە كٷتەمٸز» دەپ تە ايتىپ قالدى. ەنشٸنٸڭ ينستاگرام پاراقشاسىنا جٷكتەلگەن شاعىن ۆيدەونىڭ استىنا فاناتتار ىستىق ىقىلاسى مەن تٸلەكتەرٸن جاۋدىرۋدا.
«قىمباتتى ديماش! كەشەگٸ ەنٸڭ ٷشٸن كٶپ راحمەت! سٸزدٸڭ پەرٸشتە داۋىسىڭىزدى ەستٸگەنٸمە شىن جٷرەكتەن قۋانىشتى ەكەنٸمدٸ جەتكٸزە وتىرىپ, ٶمٸرٸمنٸڭ ەڭ بٸر ايشىقتى سەتتەرٸن باستان ٶتكەرگەنٸمدٸ اتاپ ٶتكٸم كەلەدٸ. فاناتتارىڭىزبەن از ۋاقىت كەزدەسۋ سٸزدٸ شارشاتپادى دەگەن سەنٸمدەمٸز. بۇل بٸز ٷشٸن ورىندالعان ارمان بولدى», - دەيدٸ ەنشٸنٸڭ جانكٷيەرلەرٸنٸڭ بٸرٸ تەرەزا كاكول.
