الماتىدا ٶتكەن ونلاين بريفينگ بارىسىندا زەرتحانالار تەستٸلەۋدٸ نەگە توقتاتقانى بەلگٸلٸ بولدى, دەپ حابارلايدى قازاقپارات.
«تەستٸلەۋگە قاتىستى قازٸرگٸ احۋال تۋرالى بايانداي كەتەيٸن. سوڭعى ۋاقىتتا كوروناۆيرۋس بويىنشا ەپيدەميولوگييالىق احۋال ناشارلاپ كەتتٸ. بۇل - دياگنوستيكالىق پوتەنتسيالدى ارتتىرۋدى تالاپ ەتٸپ وتىر. قازٸر قالادا 6 زەرتحانا جۇمىس ٸستەپ تۇر. بۇل زەرتحانالاردىڭ قۋاتى تەۋلٸگٸنە - 4000 تەست. بۇرىن اقىلى زەرتحاناعا ەشكٸم بارا قويماسا, سوڭعى اپتادا سۇرانىس قاتتى ارتتى. كەيبٸر ادامدار ايىنا 3-4 رەت پتر تالداۋدان ٶتٸپ جاتىر. وعان وبەكتيۆتٸ سەبەپتەر جەتەرلٸك», - دەدٸ ول.
جانداربەك بەكشين كٶپتەگەن زەرتحانالار جۇمىسىن توقتاتقانىن ايتتى.
«وليمپ» كدز قۇرال-جابدىقتارى ٸستەن شىقتى. ولارعا تەحنيكالىق جٶندەۋ جاساۋ كەرەك. سول ٷشٸن «وليمپ» جۇمىسىن توقتاتتى. سونداي-اق, ولار 5000-عا جۋىق سىناما الىپ الدى. سولاردى زەرتتەپ ٷلگەرۋٸ كەرەك. سونىمەن قاتار ۇلتتىق رەفەرەنس زەرتحاناسىندا ٶتٸنٸم كٶپ. بۇل زەرتحاناعا اقىلى تەست قابىلداۋعا قر دسم تىيىم سالىنعان. مۇندا قازٸر تەك مەملەكەتتٸك تاپسىرىس قانا ورىندالىپ جاتىر», - دەدٸ ج.بەكشين.
قازٸر قالادا تەك ۇلتتىق ساراپتاما ورتالىعىنىڭ بٶلٸمشەسٸ عانا جۇمىس ٸستەپ تۇر. بۇل ورتالىقتىڭ ٶندٸرٸستٸك قۋاتى – تەۋلٸگٸنە 1000 تەست.
«كورەيالىق ەرٸپتەستەرٸمٸزبەن دە مەسەلە تۋىنداپ وتىر. ولارعا دا قاجەتتٸ قۇرالدى جەتكٸزۋ ٷشٸن ەۋەبايلانىسى تۇراقتى ەمەس بولىپ جاتىر. سونىمەن قاتار «حالىق ارەنا» مۇز كەشەنٸ ماڭىندا تەست قابىلداۋ پۋنكتٸسٸ اشىلادى», - دەدٸ ج.بەكشين.
كەلەسٸ اپتادا دٷيسەنبٸدەن باستاپ – «وليمپ» كدز, سەرسەنبٸدەن باستاپ MPK Clinic جۇمىسىن باستاماق.
