Almatyda ótken onlain brifing barysynda zerthanalar testileýdi nege toqtatqany belgili boldy, dep habarlaidy QazAqparat.
«Testileýge qatysty qazirgi ahýal týraly baiandai keteiin. Sońǵy ýaqytta koronavirýs boiynsha epidemiologiialyq ahýal nasharlap ketti. Bul - diagnostikalyq potentsialdy arttyrýdy talap etip otyr. Qazir qalada 6 zerthana jumys istep tur. Bul zerthanalardyń qýaty táýligine - 4000 test. Buryn aqyly zerthanaǵa eshkim bara qoimasa, sońǵy aptada suranys qatty artty. Keibir adamdar aiyna 3-4 ret PTR taldaýdan ótip jatyr. Oǵan obektivti sebepter jeterlik», - dedi ol.
Jandarbek Bekshin kóptegen zerthanalar jumysyn toqtatqanyn aitty.
«Olimp» KDZ qural-jabdyqtary isten shyqty. Olarǵa tehnikalyq jóndeý jasaý kerek. Sol úshin «Olimp» jumysyn toqtatty. Sondai-aq, olar 5000-ǵa jýyq synama alyp aldy. Solardy zerttep úlgerýi kerek. Sonymen qatar Ulttyq referens zerthanasynda ótinim kóp. Bul zerthanaǵa aqyly test qabyldaýǵa QR DSM tyiym salynǵan. Munda qazir tek memlekettik tapsyrys qana oryndalyp jatyr», - dedi J.Bekshin.
Qazir qalada tek Ulttyq saraptama ortalyǵynyń bólimshesi ǵana jumys istep tur. Bul ortalyqtyń óndiristik qýaty – táýligine 1000 test.
«Koreialyq áriptesterimizben de másele týyndap otyr. Olarǵa da qajetti quraldy jetkizý úshin áýebailanysy turaqty emes bolyp jatyr. Sonymen qatar «Halyq Arena» muz kesheni mańynda test qabyldaý pýnktisi ashylady», - dedi J.Bekshin.
Kelesi aptada dúisenbiden bastap – «Olimp» KDZ, sársenbiden bastap MPK Clinic jumysyn bastamaq.
