الماتى قالاسىنىڭ باس سانيتارييا دەرٸگەرٸ جانداربەك بەكشين قالا تۇرعىندارىنا ارالاس ينفەكتسييا قاۋٸپٸ تۋرالى ەسكەرتتٸ, - دەپ حابارلايدى Tengrinews.kz اگەنتتٸگٸ.
"ارالاس ينفەكتسييا, ياعني تۇماۋ جەنە كوروناۆيرۋس جۇقتىرۋ كەز كەلگەن ادامعا, ەسٸرەسە سوزىلمالى اۋرۋلارى بار 65 جاستان اسقان ادامداردىڭ ٶمٸرٸنە قاۋٸپ تٶندٸرۋٸ مٷمكٸن. سوندىقتان الدىن الا ۆاكتسينانى سالدىرىپ العان دۇرىس", - دەدٸ جانداربەك بەكشين.
بٸراق ەكٸ ۆاكتسينا اراسىنداعى ارالىقتى ساقتاۋ كەرەك. ونىڭ ايتۋىنشا, ەگەر ادام كوروناۆيرۋسقا قارسى ەكپە العان بولسا, ەكٸ اپتا ارالىقتى ساقتاۋىڭىز كەرەك, كەيٸن ەكٸنشٸ ۆاكتسينانى الۋعا بولادى. ال ەگەر سٸز الدىمەن تۇماۋعا قارسى ۆاكتسينانى سالدىرعان بولساڭىز, وندا 2-4 اپتادان كەيٸن كوروناۆيرۋسقا قارسى ۆاكتسينانى الا الاسىز.
