ادامدار قانداي ماسكا تاقسا دا ٶز ەركٸ. كٶپرەتتٸك بە, ەلدە بٸررەتتٸك بە ٶزدەرٸ شەشەدٸ. نورماتيۆتٸك ەرەجەدە قانداي ماسكا تاعۋ كەرەكتٸگٸ تۋرالى جازىلماعان. بۇل تۋرالى الماتى قالاسىنىڭ باس سانيتارلىق دەرٸگەرٸ جانداربەك بەكشين ايتتى, دەپ حابارلايدى "ۇلت اقپارات".
الماتى ەكٸمدٸگٸندە ٶتكەن بريفينگتە سانيتارلىق دەرٸگەردەن پوليتسييانىڭ قايتا قولدانۋعا بولاتىن ماسكالار ٷشٸن ايىپپۇل سالۋعا قۇقىعى بار-جوعىن سۇرادى.
«ادام قانداي ماسكا تاقسا دا ٶز ەركٸ. كٶپرەتتٸك ماسكاعا ەشكٸم تىيىم سالعان جوق. نورماتيۆتٸك ەرەجەدە قانداي ماسكا تاعۋ كەرەكتٸگٸ تۋرالى جازىلماعان. ەستەرٸڭٸزدە بولسا, اۋرۋ ٶرشٸگەن ايلاردا ادامدار ماسكانى ٶزدەرٸ قولدان تٸگٸپ تاقتى. كوروناۆيرۋستان ساقتانۋ ٷشٸن مٸندەتتٸ تٷردە ماسكا تاققان جٶن. وسىنى باسا ايتقىم كەلەدٸ»,– دەدٸ جانداربەك بەكشين.
