تۇتىنۋشىلاردىڭ قۇقىقتارىن قورعاۋ كوميتەتٸ «بەك ەير» ەۋە كومپانيياسىنا № 2 سوت ٸسٸن ەزٸرلەپ جاتىر, دەپ حابارلايدى "ۇلت اقپارات" ساۋدا جەنە ينتەگراتسييا مينيسترلٸگٸنە سٸلتەمە جاساپ.
«قر ساۋدا جەنە ينتەگراتسييا مينيسترلٸگٸ تۇتىنۋشىلاردىڭ قۇقىقتارىن قورعاۋ كوميتەتٸ «بەك ەير» اق توقتاتىلعان رەيستەرٸنە بيلەت ساتىپ العان تۇتىنۋشىلاردىڭ ٶتٸنٸشتەرٸن قابىلداپ جاتىر. 17 ماۋسىمداعى سوت پروتسەدۋراسىنداتققك جەڭٸسكە جەتتٸ جەنە سوڭعى ٷش كٷندە تۇتىنۋشىلاردىڭ قۇقىقتارىنىڭ بۇزىلعانى تۋرالى تاعى 20 شاعىم تٷستٸ. كوميتەت قازاقستاندىق تۇتىنۋشىلار قۇقىعىن تولىق قورعايدى. قازٸر كوميتەت ادۆوكاتتارى الماتى قالاسىنىڭ تٷركسٸب اۋداندىق سوتىندا «بەك ەير» اق ەۋەكومپانيياسىنا قاتىستى ەكٸنشٸ سوت ٸسٸنە ماتەريالدار دايىنداۋدا», - دەپ حابارلادى مينيسترلٸكتٸڭ باسپاسٶز قىزمەتٸ.
وسىعان بايلانىستى, سوتتا ٶز مٷددەلەرٸن بٸلدٸرۋ ٷشٸن تۇتىنۋشىلار كوميتەت مەكەنجايىنا تيٸستٸ انىقتامانى جٸبەرۋٸ كەرەك, ونى سايتتان جٷكتەپ الۋعا بولادى:
ٶتٸنٸشتەر ەلەكتروندىق ٷكٸمەتتٸڭ پورتالى ارقىلى قابىلدانادى.
ٶتٸنٸشپەن بٸرگە تٶمەندەگٸ قۇجاتتار قوسا تٸركەۋ كەرەك:
- جەكە باسىن كۋەلاندىراتىن قۇجاتتاردىڭ كٶشٸرمەلەرٸ (جەكە كۋەلٸك, تٶلقۇجات, تۋۋ تۋرالى كۋەلٸك);
- تٶلەمدٸ راستايتىن قۇجاتتاردىڭ كٶشٸرمەلەرٸ (فيسكالدى تٷبٸرتەك جەنە ت.ب.);
- بيلەتتٸڭ كٶشٸرمەسٸ;
- ٶتٸنٸش بەرۋشٸنٸڭ بانكتٸك دەرەكتەمەلەرٸ تۋرالى مەلٸمەتتەر (بانكتەن انىقتاما);
- تۇتىنۋشىنىڭ وسى مەسەلە بويىنشا «بەك ەير» كومپانيياسىمەن بۇرىن بايلانىسقانىن راستايتىن قۇجاتتار (كٶشٸرمەلەر, سكرينشوتتار جەنە ت.ب.).
ەسكە سالا كەتسەك, 2019 جىلى 27 جەلتوقساندا «Bek Air» ەۋە كومپانيياسىنىڭ 2100 الماتى - نۇر-سۇلتان رەيسٸ ەۋەگە كٶتەرٸلٸپ بارا جاتقاندا بيٸكتٸكتٸ جوعالتىپ, بەتون قورشاۋعا, ودان كەيٸن قوسقاباتتى ٷيگە سوعىلعان.
اپاتتان 12 ادام قايتىس بولدى. 29 ادام جاراقات الدى. 51 ادام قالالىق اۋرۋحانالارعا جەتكٸزٸلدٸ. ەكٸ ادام ەمحاناعا كەلگەن كەزدە قايتىس بولدى.
بۇعان دەيٸن, سوت كليەنتتەردٸڭ بيلەت قۇنىن قايتارۋ ٷشٸن Bek Air مٷلكٸنە تىيىم سالعان بولاتىن.
