Tutynýshylardyń quqyqtaryn qorǵaý komiteti «Bek Eir» áýe kompaniiasyna № 2 sot isin ázirlep jatyr, dep habarlaidy "Ult aqparat" Saýda jáne integratsiia ministrligine silteme jasap.
«QR Saýda jáne integratsiia ministrligi Tutynýshylardyń quqyqtaryn qorǵaý komiteti «Bek Eir» AQ toqtatylǵan reisterine bilet satyp alǵan tutynýshylardyń ótinishterin qabyldap jatyr. 17 maýsymdaǵy sot protsedýrasyndaTQQK jeńiske jetti jáne sońǵy úsh kúnde tutynýshylardyń quqyqtarynyń buzylǵany týraly taǵy 20 shaǵym tústi. Komitet qazaqstandyq tutynýshylar quqyǵyn tolyq qorǵaidy. Qazir komitet advokattary Almaty qalasynyń Túrksib aýdandyq sotynda «Bek Eir» AQ áýekompaniiasyna qatysty ekinshi sot isine materialdar daiyndaýda», - dep habarlady ministrliktiń baspasóz qyzmeti.
Osyǵan bailanysty, sotta óz múddelerin bildirý úshin tutynýshylar komitet mekenjaiyna tiisti anyqtamany jiberýi kerek, ony saittan júktep alýǵa bolady:
Ótinishter elektrondyq úkimettiń portaly arqyly qabyldanady.
Ótinishpen birge tómendegi qujattar qosa tirkeý kerek:
- jeke basyn kýálandyratyn qujattardyń kóshirmeleri (jeke kýálik, tólqujat, týý týraly kýálik);
- tólemdi rastaityn qujattardyń kóshirmeleri (fiskaldy túbirtek jáne t.b.);
- bilettiń kóshirmesi;
- ótinish berýshiniń banktik derektemeleri týraly málimetter (bankten anyqtama);
- tutynýshynyń osy másele boiynsha «Bek Eir» kompaniiasymen buryn bailanysqanyn rastaityn qujattar (kóshirmeler, skrinshottar jáne t.b.).
Eske sala ketsek, 2019 jyly 27 jeltoqsanda «Bek Air» áýe kompaniiasynyń 2100 Almaty - Nur-Sultan reisi áýege kóterilip bara jatqanda biiktikti joǵaltyp, beton qorshaýǵa, odan keiin qosqabatty úige soǵylǵan.
Apattan 12 adam qaitys boldy. 29 adam jaraqat aldy. 51 adam qalalyq aýrýhanalarǵa jetkizildi. Eki adam emhanaǵa kelgen kezde qaitys boldy.
Buǵan deiin, sot klientterdiń bilet qunyn qaitarý úshin Bek Air múlkine tyiym salǵan bolatyn.
