دٷيسەنبٸ, 20 قاڭتار كٷنٸ «Bek Air» ەۋە كومپانيياسىنىڭ الداعى تاعدىرىنا قاتىستى تٷپكٸلٸكتٸ شەشٸم قابىلدانادى. بۇل جايىندا «حابار-24» تەلەارناسىنىڭ «راقىم وشاقباەۆپەن دٶڭگەلەك ٷستەل» باعدارلاماسىنا سۇحبات بەرگەن «قازاقستاننىڭ اۆياتسييالىق ەكٸمشٸلٸگٸ» اق باس ديرەكتورى پيتەر گريففيتس ايتتى, دەپ حابارلايدى قازاقپارات.
«كوميسسييامەن سٶيلەستٸم جەنە كەلەسٸ دٷيسەنبٸدە Bek Air بولاشاعىنا قاتىستى تٷپكٸلٸكتٸ كەسٸمدٸ كٷتۋگە بولادى. اتالعان ەۋە كومپانيياسىنىڭ سەرتيفيكاتى (IOSA سەرتيفيكاتى) بولماسا دا ۇشاقتاردى پايدالانا بەرۋٸن جالعاستىرۋى بۇل كومپانييادا بٸردەڭەنٸڭ دۇرىس بولماعاندىعىن دەلەلدەيدٸ. سوندىقتان دا ەۋە كومپانيياسىنىڭ قالاي جۇمىس ٸستەگەندٸگٸنە قاتىستى تەرگەۋدٸ باستاۋ تۋرالى شەشٸم قابىلدادىم. قىسقا عانا ۋاقىتتىڭ ٸشٸندە 2 توسىن وقيعا بولدى جەنە بۇل - الاڭداتارلىق جايت. بٸز بۇل ەۋە كومپانيياسى اۆياتسييالىق قاۋٸپسٸزدٸكتٸڭ بارلىق تالاپتارىن قالاي ساقتاعانىن جەنە مۇنىڭ بارلىعىن قالاي باقىلاعاندىعىن تەكسەرۋگە تىرىسامىز», - دەدٸ پيتەر گريففيتس سۇحبات بارىسىندا.
ايتا كەتەيٸك, «Bek Air» قازاقستاننىڭ اۆياتسييالىق ەكٸمشٸلٸگٸن پايدالانۋشى سەرتيفيكاتىن قابىلدانعان شەشٸم تۋرالى حاباردار ەتپەي جەنە سەبەبٸن كٶرسەتپەي توقتاتتى دەپ ايىپتاعان بولاتىن. وسى ايىپتاۋعا جاۋاپ بەرگەن قازاقستاننىڭ اۆياتسييالىق ەكٸمشٸلٸگٸ پايدالانۋشى سەرتيفيكاتىنىڭ قولدانىلۋىن توقتاتا تۇرۋعا «فوككەر-100» ۇشاعىنىڭ اپاتى سەبەپ بولعانىن ايتقان.
«بۇل تۋرالى 2019 جىلعى 27 جەلتوقساندا «Bek Air» اق اتىنا جٸبەرٸلگەن رد270510 راديوگرامماسىندا تٸكەلەي كٶرسەتٸلگەن. مۇنداي شەشٸم «قازاقستان رەسپۋبليكاسىنىڭ ەۋە كەڭٸستٸگٸن پايدالانۋ جەنە اۆياتسييا قىزمەتٸ تۋرالى» زاڭعا سەيكەس قابىلداندى. وندا سەرتيفيكاتتىڭ قولدانىلۋى ۇشۋ قاۋٸپسٸزدٸگٸنە تٸكەلەي قاتەر تٶندٸرەتٸن زاڭناما تالاپتارىنىڭ ەلەۋلٸ بۇزىلۋى انىقتالعان كەزدە شەكتەلەتٸنٸ كٶرسەتٸلگەن. سونداي-اق بۇل شارا جوعارىدا كٶرسەتٸلگەن قاعيدالاردىڭ تالاپتارىن نەگٸزگە الادى. وعان سەيكەس ۋەكٸلەتتٸ ۇيىم پايدالانۋشى سەرتيفيكاتتىق تالاپتار مەن شەكتەۋلەردٸ ساقتاماعان جاعدايدا پايدالانۋشى سەرتيفيكاتىنىڭ قولدانىلۋىن توقتاتا تۇرادى» دەلٸنگەن تاراتىلعان اقپاراتتا.
