قر پرەمەر-مينيسترٸ اسقار ماميننٸڭ تٶراعالىعىمەن ٶتكەن «بەيتەرەك» ۇلتتىق باسقارۋشى حولدينگٸ» اق ديرەكتورلار كەڭەسٸنٸڭ وتىرىسىندا ەكٸ ەنشٸلەس كومپانييانى قايتا ۇيىمداستىرۋ, التىنشى وبليگاتسييا باعدارلاماسىن شىعارۋ, سونداي-اق حولدينگتٸڭ باسقارما مٷشەلەرٸنٸڭ سانىن قىسقارتۋ تۋرالى شەشٸم قابىلداندى. بۇل تۋرالى "ۇلت اقپارات" primeminister.kz سٸلتەمە جاساپ حابارلايدى.
قر پرەزيدەنتٸ قاسىم-جومارت توقاەۆتىڭ 2019 جىلعى 2 قىركٷيەكتەگٸ جولداۋىندا تۇرعىن ٷي باعدارلامالارىنىڭ وپەراتورلارى سانىن قىسقارتۋ بويىنشا قويىلعان مٸندەتتەردٸ ٸسكە اسىرۋ اياسىندا ديرەكتورلار كەڭەسٸ ٶزٸنٸڭ ەنشٸلەس ۇيىمدارىن — «بەيتەرەك دەۆەلوپمەنت» اق جەنە «قازاقستاندىق يپوتەكا كومپانيياسى» يۇ» اق قوسۋ تۋرالى شەشٸم قابىلدادى. سونىمەن قاتار, بيىل جىل سوڭىنا دەيٸن «تۇرعىن ٷي قۇرىلىسىن كەپٸلدەندٸرۋ قورى» اق-نى تۇرعىن ٷي قۇرىلىسى سالاسىنداعى بٸرىڭعاي وپەراتور قۇرامىنا قوسۋ جوسپارلانعان.
وتىرىس بارىسىندا مەملەكەتتٸك تۇرعىن ٷي ساياساتىن تيٸمدٸ ٸسكە اسىرۋدى قامتاماسىز ەتۋ ٷشٸن التىنشى وبليگاتسييا باعدارلاماسىن ٸسكە قوسۋ تۋرالى شەشٸم قابىلداندى.
ديرەكتورلار كەڭەسٸ ماشينا جاساۋدى دامىتۋ جوبالارىن قارجىلاندىرۋ ماقساتىندا «برك-ليزينگ» اق جارعىلىق كاپيتالىن 8 ملرد تەڭگەگە ۇلعايتۋ ٷشٸن حولدينگتٸڭ 8 ملن قاراپايىم اكتسيياسىن ورنالاستىرۋدى بەكٸتتٸ.
وتىرىسقا قاتىسۋشىلار 2019 جىلدىڭ IV توقسانى بويىنشا «بەيتەرەك» ۇبح» اق-نىڭ تەۋەكەلدەرٸنە قاتىستى ەسەپتٸ بەكٸتتٸ. اتالعان كەزەڭدە حولدينگ تەۋەكەلدەرٸ بويىنشا نىسانالى دەڭگەي مەن ليميتتەر بۇزىلعان جوق. قولجەتٸمدٸ قارجى رەسۋرستارىنىڭ كٶلەمٸ 571 ملرد تەڭگەدەن 595 ملرد تەڭگەگە دەيٸن ارتتى, بۇل نەگٸزٸنەن «بەيتەرەك» ۇبح» اق-نىڭ ٶز كاپيتالىنىڭ ۇلعايۋى ەسەبٸنەن مٷمكٸن بولدى. تەۋەكەلدەردٸڭ باسقا تٷرلەرٸ بويىنشا ايتارلىقتاي ٶزگەرٸستەر ورىن العان جوق, تەۋەكەلدەر ورتاشا دەڭگەيدە باعالانىپ وتىر.
سونداي-اق, وتىرىستا ٸشكٸ اۋديت قىزمەتٸنٸڭ 2019 جىلدىڭ IV توقسانىنداعى ەسەبٸ, 2019 جىلدىڭ قورىتىندىسى بويىنشا 2019-2020 جىلدارعا ارنالعان «بەيتەرەك» ۇبح» اق كورپوراتيۆتٸ باسقارۋدى جەتٸلدٸرۋ جٶنٸندەگٸ ٸس-شارالار جوسپارىنىڭ ورىندالۋ نەتيجەلەرٸ جەنە باسقا دا مەسەلەلەر قارالدى.
