فوتو: inbusiness.kz
تسيفرلىق دامۋ ۆيتسە-مينيسترٸ اسحات ورازبەك موبيلدٸ وپەراتورلاردىڭ تاريفتەردٸ قىمباتتاتىپ جاتقانىنا قاتىستى ٶز ويىن بٸلدٸردٸ, دەپ حابارلايدى Ult.kz.
ونىڭ ايتۋىنشا, ازامات رەتٸندە وعان تاريفتەردٸڭ قىمباتتاۋى ۇنامايدى جەنە كەيبٸر نارازىلىقتاردى تٷسٸنەدٸ. الايدا ۆيتسە-مينيستر رەتٸندە:
«ۆيتسە-مينيستر رەتٸندە ەمەس, ادام رەتٸندە ايتايىن. وسى ەلدٸڭ ازاماتى رەتٸندە ماعان تاريفتەردٸڭ ٶسٸپ جاتقانى ۇنامايدى. سوندىقتان دا تاريفتەردٸڭ كٶتەرٸلۋٸنە بايلانىستى كەيبٸر نارازىلىقتارمەن كەلٸسەمٸن. بٸراق ۆيتسە-مينيستر رەتٸندە وپەراتوردىڭ مۇنداي قادامعا بارۋىنىڭ سەبەبٸن تٷسٸنەمٸن», - دەدٸ ول.
سونداي-اق, اسحات ورازبەك قازٸرگٸ ۋاقىتتا نارىققا تٶرتٸنشٸ موبيلدٸ وپەراتوردى كٸرگٸزۋ جوسپاردا جوق ەكەنٸن ايتتى. ونىڭ پٸكٸرٸنشە, ەگەر ٷش وپەراتور تيٸمدٸ جۇمىس ٸستەپ, ٶزارا بەسەكەلەسسە, قوسىمشا وپەراتوردىڭ قاجەتتٸلٸگٸ بولمايدى.
