Foto: inbusiness.kz
Tsifrlyq damý vitse-ministri Ashat Orazbek mobildi operatorlardyń tarifterdi qymbattatyp jatqanyna qatysty óz oiyn bildirdi, dep habarlaidy Ult.kz.
Onyń aitýynsha, azamat retinde oǵan tarifterdiń qymbattaýy unamaidy jáne keibir narazylyqtardy túsinedi. Alaida vitse-ministr retinde:
«Vitse-ministr retinde emes, adam retinde aitaiyn. Osy eldiń azamaty retinde maǵan tarifterdiń ósip jatqany unamaidy. Sondyqtan da tarifterdiń kóterilýine bailanysty keibir narazylyqtarmen kelisemin. Biraq vitse-ministr retinde operatordyń mundai qadamǵa barýynyń sebebin túsinemin», - dedi ol.
Sondai-aq, Ashat Orazbek qazirgi ýaqytta naryqqa tórtinshi mobildi operatordy kirgizý josparda joq ekenin aitty. Onyń pikirinshe, eger úsh operator tiimdi jumys istep, ózara básekelesse, qosymsha operatordyń qajettiligi bolmaidy.
