بٷگٸن نۇر-سۇلتان ۋاقىتىمەن تاڭعى ساعات 04:13-تە بايقوڭىر عارىش ايلاعى 31-شٸ الاڭىنىڭ «ۆوستوك» ۇشىرۋ كەشەنٸنەن فرەگات» ٷدەمەلٸ بلوگى جەنە OneWeb بريتاندىق 34 عارىش اپپاراتى بار «سويۋز-2.1ب» زىمىران-تاسىعىشى ۇشىرىلدى, دەپ حابارلايدى «قازاقپارات» حاا.
بۇعان دەيٸن زىمىران-تاسىعىشتى ۇشىرۋ تەحنيكالىق سەبەپتەرگە بايلانىستى ەكٸ رەت كەيٸنگە شەگەرٸلگەن بولاتىن. ال بٷگٸنگٸ ۇشىرۋ سەتٸ روسكوسموستىڭ تەلەستۋديياسىنان تٸكەلەي ەفير ارقىلى كٶرسەتٸلدٸ. تٸكەلەي رەپورتاجدى جٷرگٸزۋشٸلەردٸڭ اقپاراتىنا سەيكەس, زىمىران شتاتتىق رەجيمدە ۇشىرىلدى. «سويۋز 2.1 ب» زىمىران-تاسىعىش ساتىسىنىڭ بٶلٸنۋٸ ۇشۋ تسيكلگرامماسىنا سەيكەس بولدى. زىمىران ۇشىرىلعاننان كەيٸن 10 مينۋتتان سوڭ سپۋتنيكتەر توپتاسى بار باستى بلوك وربيتاعا شىقتى.
OneWeb تٶمەنوربيتالدى عارىش اپپاراتتارى جەر بەتٸندەگٸ تۇتىنۋشىلاردى تٸكەلەي سپۋتنيك بايلانىسى ارقىلى جىلدامدىعى جوعارى ينتەرنەتپەن قامتاماسىز ەتۋگە ارنالعان. بٷگٸنگە دەيٸن وربيتاعا 254 عارىش اپپاراتى شىعارىلعان بولاتىن. ەندٸ تاعى 34 سپۋتنيكتٸڭ شىعارىلۋىمەن ولاردىڭ سانى 288-گە جەتەدٸ. كومپانييا جالپى سانى 500-دەن استام سپۋتنيكتٸ جەر اينالاسىنداعى وربيتاعا شىعارىپ, ولاردى كوممەرتسييالىق ماقساتتا پايدالانۋدى كٶزدەپ وتىر.
