بايقوڭىر قالاسىندا قازاقستاننىڭ 1 788 ازاماتى جۇمىسسىز رەتٸندە تٸركەلگەن. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«بٷگٸنگٸ كٷنٸ بايقوڭىر قالاسىنىڭ حالىق سانى 77 299 ادامدى قۇرايدى, ونىڭ ٸشٸندە 49 541-ى – قازاقستان رەسپۋبليكاسىنىڭ ازاماتتارى.
قازاقستان رەسپۋبليكاسىنىڭ جەنە رەسەي فەدەراتسيياسىنىڭ ۇيىمدارى مەن كەسٸپورىندارىندا جۇمىس ٸستەيتٸن قازاقستان رەسپۋبليكاسى ازاماتتارىنىڭ سانى شامامەن – 11 000 ادام. حالىقتى جۇمىسپەن قامتۋ بٶلٸمٸندە تٸركەلگەن قازاقستان رەسپۋبليكاسىنىڭ جۇمىسسىز ازاماتتارى – 1 788 ادام», - دەدٸ ٷكٸمەت باسشىسى.
ونىڭ اتاپ ٶتۋٸنشە, 2020 جىلعا ارنالعان رەسپۋبليكالىق بيۋدجەت جەنە 2021-2023 جىلدارعا ارنالعان رەسپۋبليكالىق بيۋدجەت جوباسى اياسىندا قىزىلوردا وبلىسى بويىنشا جالاقىنى ٸشٸنارا سۋبسيدييالاۋعا (ەلەۋمەتتٸك جۇمىس ورىندارىنا) 1 ملرد تەڭگە سوماسىندا قاراجات كٶزدەلگەن.
باعدارلاما اياسىندا جاپپاي كەسٸپكەرلٸكتٸ دامىتۋعا – 120 ادامعا 66,7 ملن تەڭگە سوماسىنا مەملەكەتتٸك گرانتتار بەرٸلدٸ, ەلەۋمەتتٸك جۇمىستارعا – 57 ادام, جاستار پراكتيكاسىنا – 183 ادام تارتىلدى, قوعامدىق جۇمىستارعا – 280 ادام جٸبەرٸلدٸ. تۇراقتى جەنە ۋاقىتشا جۇمىس ورىندارىنا 1070 ادام جۇمىسقا ورنالاستىرىلدى.
«سونداي-اق بايقوڭىر قالاسى بويىنشا نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتٸك باعدارلاماسىنىڭ قاتىسۋشىسى 800 ادام بولدى. ونىڭ اياسىندا حالىقتى قايتا دايارلاۋ جەنە بٸلٸكتٸلٸگٸن ارتتىرۋ ٷشٸن قىسقا مەرزٸمدٸ كەسٸپتٸك وقىتۋ كۋرستارىنا ەڭبەك نارىعىندا سۇرانىسقا يە ماماندىقتار بويىنشا 10 ادام جٸبەرٸلدٸ», - دەدٸ اسقار مامين.
