تٷركٸستان وبلىسىنىڭ پوليتسەيلەرٸ جوعالعان 7 جاسار بالانى تاپتى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنە سٸلتەمە جاساپ.
بەيدٸبەك اۋداندىق پوليتسييا بٶلٸمٸنە جەرگٸلٸكتٸ تۇرعىن ارىزدانعان.
ەيەلدٸڭ ايتۋىنشا, كٶرشٸ اۋىلداعى سٸڭلٸسٸنٸڭ ٷيٸنە ۇلىمەن بٸرگە قىدىرىپ بارعان. وسى سەتتە 2014 جىلعى ۇلى ٶزگە بالالارمەن ويناپ جٷرٸپ, اياقاستى حابار-وشارسىز كەتكەن.
تاپا-تال تٷستە ۇلىن ۇشتى-كٷيلٸ جوعالتىپ العان انا بار ٷمٸتٸ پوليتسەيلەردە ەكەنٸن حابارلايدى.
بۇل جايتتى بەيدٸبەكتٸك پوليتسەيلەر بٸردەن تٸركەۋگە الىپ, بۇل اۋىلدىڭ وي-قىرىن تولىق بٸلمەيتٸن جوعالعان بالانى ٸزدەپ تابۋ ٷشٸن سول اۋماققا بەكٸتٸلگەن ۋچاسكەلٸك ينسپەكتورلار جۇمىلدىرىلدى.
2 ۋچاسكەلٸك ينسپەكتوردىڭ ەكٸ جاقتاپ جەدەل ٸزدەستٸرۋٸنٸڭ ارقاسىندا 7 جاسار جەتكٸنشەك 1,5 ساعاتتا تابىلدى.
بەلگٸلٸ بولعانداي جوعالعان بالا كٶشە بويىندا ويناپ جٷرٸپ, اداسىپ كەتكەن. قازٸرگٸ تاڭدا بالا جاقىندارىنا قايتارىلدى.
ۇلىمەن امان-ەسەن قاۋىشقان اناسى, بالانى ٸزدەستٸرۋدە شاپشاڭدىقپەن ەرەكەت ەتكەن پوليتسييا قىزمەتكەرلەرٸنە ٸزگٸ ىقىلاسىن بٸلدٸرٸپ, راقمەتٸن ايتتى.
