Túrkistan oblysynyń politseileri joǵalǵan 7 jasar balany tapty, dep habarlaidy "Ult aqparat" oblystyq politsiia departamentine silteme jasap.
Báidibek aýdandyq politsiia bólimine jergilikti turǵyn aryzdanǵan.
Áieldiń aitýynsha, kórshi aýyldaǵy sińlisiniń úiine ulymen birge qydyryp barǵan. Osy sátte 2014 jylǵy uly ózge balalarmen oinap júrip, aiaqasty habar-osharsyz ketken.
Tapa-tal túste ulyn ushty-kúili joǵaltyp alǵan ana bar úmiti politseilerde ekenin habarlaidy.
Bul jaitty báidibektik politseiler birden tirkeýge alyp, bul aýyldyń oi-qyryn tolyq bilmeitin joǵalǵan balany izdep tabý úshin sol aýmaqqa bekitilgen ýchaskelik inspektorlar jumyldyryldy.
2 ýchaskelik inspektordyń eki jaqtap jedel izdestirýiniń arqasynda 7 jasar jetkinshek 1,5 saǵatta tabyldy.
Belgili bolǵandai joǵalǵan bala kóshe boiynda oinap júrip, adasyp ketken. Qazirgi tańda bala jaqyndaryna qaitaryldy.
Ulymen aman-esen qaýyshqan anasy, balany izdestirýde shapshańdyqpen áreket etken politsiia qyzmetkerlerine izgi yqylasyn bildirip, raqmetin aitty.
