4 سەۋٸردە اقش پرەزيدەنتٸ دجو بايدەن رەسەي ەسكەرٸنٸڭ ەرەكەتٸ ٷشٸن پرەزيدەنت ۆلاديمير پۋتين ٷستٸنەن سوت ٸسٸن باستاي بەرۋ قاجەت دەپ مەلٸمدەپ, رەسەيگە تاعى دا سانكتسييا سالۋدى قاراستىراتىنىن ايتتى. بۇل اقپاراتتى AP اگەنتتٸگٸ تاراتتى.
"بۋچادا بولعان وقيعانى بەرٸ كٶرٸپ وتىر, بۇل - سۇمدىق جاعداي" دەگەن بايدەن پۋتيندٸ "ەسكەري قىلمىسكەر" دەپ اتادى.
اقش پرەزيدەنتٸ بۇل سٶزدٸ رەسەي ەسكەرٸ كەتكەننەن كەيٸن جٷزدەگەن بەيبٸت ادامنىڭ مەيٸتٸ تابىلعان بۋچا قالاسىنا ۋكراينا پرەزيدەنتٸ ۆلاديمير زەلەنسكيي بارعان سوڭ ايتتى. الايدا ول جۋرناليستەردٸڭ "بۋچاداعى جاعدايدى گەنوتسيد دەپ سانايسىز با" دەگەن سۇراعىنا "جوق" دەپ جاۋاپ بەردٸ. زەلەنسكيي گەنوتسيد دەگەن بولاتىن.
ەۋروپا كوميسسيياسىنىڭ پرەزيدەنتٸ ۋرسۋلا فون دەر ليايەن دٷيسەنبٸدە تۆيتتەر پاراشاسىنا ەسكەري قىلمىستاردى قۇجاتقا تٷسٸرٸپ جاتقان جەرگٸلٸكتٸ پروكۋراتۋراعا كٶمەكتەسۋ ٷشٸن ەۋروپا وداعى ۋكرايناعا تەرگەۋشٸلەرٸن كٶمەككە جٸبەرەتٸنٸن جازدى.
ۋكراينانىڭ باس پروكۋرورى يرينا ۆەنەديكتوۆا تاياۋدا رەسەي ەسكەرٸنەن ازات ەتٸلگەن كيەۆ تٷبٸندەگٸ قالالاردان 410 ادامنىڭ مەيٸتٸ شىعارىلعانىن حابارلادى.
ۋكراينادا "ارنايى وپەراتسييا" باستاعالى رەسەي ەسكەرٸنٸڭ ادامزاتقا قارسى قىلمىستارىن ەلەمنٸڭ 40-تان استام ەلٸ بٸرٸگٸپ زەرتتەۋگە كٸرٸستٸ. گااگاداعى حالىقارالىق سوت تا تەۋەلسٸز زەرتتەۋ جٷرگٸزەدٸ.
