رەسەي باسقىنشىلىق جاساعان جاعدايدا امەريكا ۋكرايناعا ەسكەر جٸبەرمەيدٸ, سەبەبٸ بۇل ەل ناتو-عا مٷشە مەملەكەت ەمەس, دەپ مەلٸمدەدٸ اقش پرەزيدەنتٸ دجو بايدەن.
"رەسەي ۋكرايناعا باسىپ كٸرگەن جاعدايدا, قۇراما شتاتتار بٸرجاقتى شەشٸم قابىلداپ, ەسكەرٸن جٸبەرەدٸ دەگەن مەسەلە جوق. بٸزدە ناتو وداقتاستارىنىڭ الدىندا مورالدىق تۇرعىدان جەنە زاڭدىق تۇرعىدان جاۋاپكەرشٸلٸگٸمٸز بار", - دەپ مەلٸمدەدٸ بايدەن سەرسەنبٸ كٷنٸ اق ٷيدە جۋرناليستەر سۇراعىنا جاۋاپ بەرگەن كەزدە.
بايدەن 7 جەلتوقساندا رەسەي پرەزيدەنتٸ ۆلاديمير پۋتينمەن تەلەفون ارقىلى ەكٸ ساعاتقا سوزىلعان ەڭگٸمەسٸ جٶنٸندە دە ايتتى. ول پۋتينگە ەگەر ۋكرايناعا قارسى وپەراتسييا باستايتىن بولسا, رەسەي بۇرىن-cوڭدى بولماعان ەكونوميكالىق قيىندىقتارعا تاپ بولاتىنىن ەسكەرتكەن. بايدەن "پۋتين بۇل سٶزٸمدٸ قابىلدادى" دەگەن سەنٸمدە.
ۆلاديمير پۋتين سەرسەنبٸ كٷنٸ دجو بايدەنمەن تەلەفون ارقىلى ەڭگٸمەسٸنە پٸكٸر بٸلدٸردٸ. ول مەسكەۋ ۋكراينانى سولتٷستٸكاتلانتيكالىق وداققا مٷشە رەتٸندە قابىلداۋ مٷمكٸندٸگٸنە الاڭدايتىنىن جەتكٸزگەن.
مەسكەۋ ۋكرايناعا باسىپ كٸرۋ جوسپارىندا جوق ەكەنٸن ايتىپ كەلەدٸ.
